SAC Palek Sin In Meithal Le Kuan Ceilak An Lak Than Ee

Myaing Peng Palik Sinin MVRF Nih Meithal Le Kuan Tam Ngai An Lak

Magway ramṭhen, Myaing peng Taungsone(တောင် စုံ) khua pawngah ral a vengmi palik 8 cu nizan September 14 zaanlei sml 1:00 ah MVRF nih an kah hna hi a si, cu kahdohnak ahcun palik pakhat a thi i, hriamnam zong an lak, tiah theih a si.

“Myaing peng ah ralvengtu SAC kuttang um palik 8 cu Myaing Villages Revolution Front(MVRF)nih kan kah hna i palik Shin Khant a thi, an meithal le kuan zong kan lak” tiah MVRF in chimphuannak nawlngeitu nih a chim.

“Palik 8 cu Taungsone khua pawng well-2 zinan chuannak lei kap an kal lioah kan kah hna i, palik 1 kan thah. Meithal G3 zun 1, kuan 115, kuan bawm 1, phone 1, tangka kyats sing 1 le zung rianṭuannak card kan laak,” tiah MVRF in chimphuannak nawlngeitu Thu Rein nih a chim.

Cu kahdohnak ah SAC kuttang palik 7 cu an zam i, palik 1 hliamhma fak ngaiin a pu. MVRS lei in ralkap pakhat meithal kuan nih a khen i, tualchung mi pakhat zong hliamhma a pu, tiah theih a si.

Relchap>>>>>Yeephyo peng, sualnak ngeilo thilzuar pa pahnih cu SAC ralkap nih an tlaih hna
September 15, 2022 thechinpost Ramchung Thawng 0

Tanintharyi ramthen, Htawai pengkomh, Yeephyo peng, Hnan Kywae khua ah, nihin September 15 zinglei ah mah inn teah thil a zuar mi pa pahnih cu, SAC ralkap nih aruang um loin an tlaih hna i, motor in an kal pi hna tiah theih a si.

SAC ralkap hna nih Ko Lwin Ooo le Ko AJu hna cu zinglei suimilam 10 hrawngah Vigo mawttaw he an ra i an tlaih hna hnu ah anmah duhnak lei ah an kalpi hna hi a si.

“Hi pahnih hna hi inn teah dawr a ong i thil a zuar cuahmah mi an si, cycle he khuachung ah i chawh in an zuar caan zong a um, tutan ah hin zeiruangah dah an tlaih timi tu cu kan thei lo” tiah khuami pakhat nih Mizzima ah a chim tiah theih a si.

Ref: Mizzima

Be the first to comment

Leave a Reply

Your email address will not be published.


*