S. Korea Ah A Um Mi Myanmar Mi Minung 96 Cu Yangon Ah An Rak Phakter Cang Hna

COVID-19 pulrai zawtnak tihnung mi ruang ah vawlei cung hmunkip ah khualtawn khawh a si ti lo hnu le lockdown ruang ah harsa ngaiin S.Korea ramah phihkhar a si ve mi hna Myanmar miphun minung 96 hna cu vanlawng in Yangon vanlawng bual ah tuzanlei ah khan an rak kuat cang hna tiah Myanmar ramdang zung leinih thawngthanh nak an tuah.

Hi Myanmar miphun minung 96 hna hi S.Korea ramah harsa ngai le lungrethei ngai in a um mi hna an si i Myanmar ah rak kir ter lo awk a tha lo mi hna pawl an si hna caah Relief Flight in Myanmar ah rak kuat khawh nak ding ah S.Korea hrambunh Myanmar Embassy nih Shoel khuapi chung International Airport ah an rak kal ter mi hna an si.

Hi Myanmar mi 96 hna hi, tinbaw riantuan pawl, ngandamnak a tha lo mi pawl, riantuan ah a kal mi chung in permit a ngei ti lo mi hna pawl le thlithup in an luh ruangah Myanmar ah kuat hrimhrim a hau mi hna pawl an si hna.

Cu ruang ah tuzanlei suimilam 5 ah khan a voikhat nak bik ah an rak kuat mi hna an si i phungki pakhat, tinbaw riantuan minung 35, sianginn a kai mi minung 2 le EPS riantuan minung 58, an dihlak in minung 96 hna cu Myanmar International Airline (MAI) in Yangon ah an rak phak ter hna hi a si.

Ref: DVB

 148 total views,  1 views today

This function has been disabled for Chin 11 News.