Russia Milar Nu A Thi, Hotel Ihkhun Cungah Taklawng In Arak um

Tulio cu milar pawl kong theih ding a tam ngai. Russia minthang milar nu Anna Ambartsumyan kum 26 cu a um nak Mowcow, five-star hotel chungah a thi cia in an hmuh.

Ihkhun cungah taklawng in a rak um i a thaw a dih, hotel riantuantu pawlnih an hmuh i,a thih nak cu suimilam 8 hrawng a rau lai tiah an zumh. A ruak pawngah cun handbag le a angki a nak mi an hmuh, a thih ning fingte i theih khawhnak dingah palik nih an dothlat cuahmah lio a si.

Hotel chung i a lut chuak mi pawl zong an hlathlai dih hna lai, A ruak zong post mortem tuah dingin an kuat cang. Anna Ambartsumyan cu nuthlawi a si i Tv psychologist le nupa nun cawlcangh nak i cawnpiak tu a si.

Mirum hawi komtha tampi a nei i, motor manfak mi pawl Bentleys 2 le Aston martin zong laksawng an pek mi a si.

A lawyer Sergey Zhorin nih ‘Leiba cawhtu a nei tuk i nikhat ah voi 20 hrawng an phone , a tihtuk nak kong a chim i, palik nih sinah chim hna tiiah ka fial tawn’ a ti. Social media chung zongah a lar tuk i a zuldawi tu hi 370,000 bak a nei. (dailystar))

 135 total views,  1 views today

This function has been disabled for Chin 11 News.