Russia Le Ralhrang Kong Ah Joe Biden Nih President Trump Cu Fak Ngai In A Soisel

Taliban ralhrang sinah Russia nih “US ralkap pawl nan thah hna a si ah cun lawmhnak laksawng kan pek hna lai tiah US spy pawl nih an hmuh chuah mi kong he pehtlai in President Trump nih zeihmanh timhlamh mi le lehnak pakhat hmanh a tuah lo riah White House nih an chim. Hi kong he pehtlai in Joe Biden nih President Trump cu a soisel ngai tiah thawngzamh nih an langhter.

Asinain White House lei nih an langhter ve ning ah cun US ralkap pawl thah ding in Russia nih ralhrang pawl a forh fial hna ti mi kong ah hin US spy pawl nih President Trump zong siseh, Vice President sin zong ah zeihmanh thawngthanh nak an tuah mi a um lo tiah White House in thawngzamh tu lutlai a si mi Kayleigh McEnany nih cun a chim hi a si.
Kan hnu kum chung ah khan Russia ralkap pawl le mi ngiatlai tu pawl hna nih US ralkap pawl cung ah hlawh tling taktak in teinak an rak hmuh caah le Europe ramchung thah nawn nak vialte ah US ralkap nih hlawhtlin nak an hmuh khawh lo mi kong ah Russia cozah nih a ralkap pawl hna le ISIS sinah lawmhnak laksawng a rak pek hna tiah New York Times nih cun kan hnu cacawn ninga ni (Friday) ah khan a rak tial.

Cun ISIS ralhrang hna le ISIS he pehtlaih nak a ngei mi ralhrang dangdang hna zong nih US ralkap an thah mi hna cung ah lawmhpi nak laksawng zong an hmuh lengmang tiah Times thawngzanh nih cun a tial ve hoi. Asianin hi kong he pehtlai in President Trump nih zeihmanh lehrul nak le action lak mi a ngeih lo pinah zeihmanh ai theih ter lo tiah Joe Biden nih cun a chim hi a si.

Times thawngzamh nih an tial mi hi a hman ko a si ah cun President Trump nih lehrulh nak le action lak mi a ngeih lo mi hi aralai mi November thla chung President thim nak ah tihnung ngai mi dirhmun a phan kho mi zong a si tiah Joe Biden nih cun a chim chap.

Vawlei cung upadi vialte he kalh dih in ralhrang sinah bawmhnak a pe ko mi Russia cung ah lehrulh nak le action lak nak a ngeih lo mi hi President Trump nih cun ruahnak tha ah a ruah ko lai nain a taktak ah cun amah le amah sinak ai niamter asi pinah mi zeirel nak a si. Cun hi bantuk kong ah hin cun President si ning law ka lehrulh hrimhrim ko lai tiah zong Joe Biden nih cun a chim.

Source: Reuters, Akon Thi

 

 167 total views,  1 views today

This function has been disabled for Chin 11 News.