Russia He Tonak Ngeig Dingin Ready Kan Si Ko Tiah Ukrain President Zalensky Nih A Chin

Russia He Tonak Ngeig Dingin Ready Kan Si Ko Tiah Ukrain President Zalensky Nih A Chin

Russia He A Dikmi Biaruahnak Tuah Ding Ah Lam Kan On – Zelenskyy
Ukraine President Volodymyr Zelenskyy nih Russia ram he a dikmi biaruahnak ngei ding in lam kan on, tiah nizaan November 9, Conference on Climate Change meeting ah a chim.

Remdaihnak ser ding in Ukraine lei nih lam ong hna sehlaw a ṭha tiah President Biden nih a chim hnu in atu bantuk in Ukraine nih biaruahnak lam an vun on.
Atu bantuk in biaruahnak lam kan onmi hi Ukraine ram limhang ven kan duh ruang ah a si, tiah Ukraine National Security and Defense Council ṭuanvo ngeitu Oleksiy Danilov nih cun a chim.

Ramdang hna sin in bawmhchanhnak kan herh ko rih a bik in raltuknak tank, vanlawng kahnak le Missile kan herh ngai, tiah Oleksiy Danilov nih cun a chim chap.

Relchap>>>>>Monywa peng Htan Lay Pin khua kahdoh nak ah meithal kuan nih dih tak ruang ah PDF pasaltha 6 nunnak a liam.ralhrang nih ralsa tarh ah an tlaih mi 3 cu hngawng cik in an thah hna.
14 hours ago thechinnews.com

Sagaing ramthen, Monywa khua in a thlanglei ah hriamnam bohan in mi hna tuk velh le mipi inn hna mei in a khang tu ralhrang hna cu November 6 zaanlei thok in tualchung hriamtlai phu hna nih an kah hna caah ralhrang lei in minung 17 an thi ii PDF pasaltha minung (6) zong an nun nak a liam ve tiah Monywa mipi humhim tu ralkap Chin Dwin Attak Force phu nih November 8 ah an thanh.

November 6 chun ah Monywa khua in a thlang lei Htanlay Pin khua ah umhmun a khuar mi ralhrang hna cu Chin Dwin Attack Force battalion (2),battalion(3) le Battalion (4) in commando a si mi Monywa The Boys phu hna nih hruai in Chindwin attack force battalion (4) ,tatkhuai 4 le 5, Teachear PDF, Spring Dove le golden brother phu hna ii bawm in an kah hna hi a si.

Kahdoh nak chung ii a nunnak a liam mi hna cu Monywa mipi humhim tu ralkap Chindwin attack force battalion (2),(3), le (4) in commando a si mi Monywa the Boys in tatkhuai hmu Ko Htin Moe Win kum (25), Ko Kyaw Myo Wai kum (38) , tatsuh hmu Ko Aye Min Than, kum (19) ,Ko Toe Aung, kum (25) ,Ko YeLinAung ,Kum (20) le Ko Htun Htun Win ,kum (40) hna an si .

Hi kahdoh nak ah ralhrang lei nih hriam nam thazang le minung thazang tam tuk in kahdoh nak an tuah ii kan ralkap hna an kuan nih a dih tak hna caah minung 6 an nun nak a liam hi a si tiah CAF nih cun an langhter.kap hnih kar kahdoh nak ah ralhrang lei nih she mei thal hna an hman leng ah , Hriamngan lung (80) leng , RPG lung (20) leng , rit khawh a si mi Chemical khuavai pawl, hna hmang in kahdoh nak an tuah . Cu tin kahdoh nak ah ralhrang lei 17 nak tlawm lo an thi , kan mah lei hliam a tuar mi kan ralkap 2 hna an chanh chuah hna lio ah an meithal kuan a dih cang ii ralhrang hna nih an tlaih hna hi a si. Cu tin an tlaih khawh hna in bia an hal hna ii an chim duh lo caah a hmun ah cun an kah thah beh hna tiah an langhter.

Htanlay pin khua kah doh nak ah ralhrang lei a thi mi an tam ve caah a thaizing November 7 ah Htanlay Pin khua mi 3 cu ralphaw ah an tlaih hna hnu ah an hngawng cik in an thah hna ii mipi inn 11 zong mei in an khanh ta tiah theih a si.

Be the first to comment

Leave a Reply

Your email address will not be published.


*