RUAT CIO USIH: Chin Miphun Nih NLD Maw, CNLD Maw Tiin I El Can Asi Lo

RUAT CIO USIH

1.  Chin miphun nih NLD maw, CNLD maw tiin I el can le I doh caan asi lo.

2. Kawlram ah NLD nih atam deuh tei seh, Chin State le Chin miphun umnak hmun ah CNLD nih tei hna seh tiin I zuam ding can asi deuh.

3. Federel ram silo mi Democracy ram ah Party pakhat nih Union level ah atha athawng tuk sual ah cun miphun hme deuh caah tih a nung tuk. Miphun hme pawl cu zei ah akan rel lo. Kanbia cu hmual angei

4. Cu caah Tlangpar mi hna nih Mah miphun cio party kha vote pek in, Union level ah thazang kan ngei kho veah cun Union Acozah ah NLD le Tlangpar mi pawl cu Kan I hrawm khawh Lai. Thazang kan ngei veah cun, NLD kuttang si loin cabuai pakhat ah thu tiin Ram kan uk khawh velai.

5. CNLD nih NLD kan hua lo. USDP kan hua lo.Adang kawl party zong Kan hua lo . Asi nain Federel ram ser ding aduh lo mi party cu zeitik hmanh ah kan ni kawmh lai lo .( CNLD ih Constitution chung ah Panglong Sachok nih atimh mi Federal ram ser ding ah atimh mi party le a zuam mi party he rian kan tuan ti lai tiin Kan soi cia mi a um.)

6. CNLD nih kawl miphun Kan hua lo. Rakhine kan hua lo. Asi nain kan Chin miphun kan sining, kan phun, kan daan, kan Chin values pawl akan hrawh tu miphun le party cu kan do hna lai.( Keimah lawng te kasi zongah kathi hlan tiang ka do ko lai. Minung pakhat nih kanti kho lai lo caah Chin miphun lungrual in dir a hau cang.)

7. Ka u le nau hna, Kan Chin miphun nih kan rak ngei bal mi, Mah leh mah uknak, zalen nak a kan chuh dih lengah kan culture le Customary law, kan pupa vulei le lo hna zong hi hrawh dih ding upadi antuah hluahmah caah lak than ding le miphun khamh dingah kan zuam hnga ding cu asi. 1948 Kim hnu, Kan Chinram Chung ah mah le mah uknak nawl hmanh Chin miphun nih Kan rak ngei bal rih lo.Chin miphun nih athim mipa nih Vuanci Tuan ve seh, Vuanci chok Tuan ve seh tihi kan duh bik mi asi.

Miphun dang nih Chinram uktu cu thim hlah seh . Mah cu CNLD ca lawngah asi lo. Chin miphun zapi caah le kan tefa caah asi. Tlangpar miphun party pawl nih mah le khua cio, ram cio ah tei hna seh. Chin party nih Chin ram chungah tei dih hna seh. Kawlram ah NLD atam deuh tei hna seh. Tlangpar party pawl le NLD kawmh in kawlram pumpi cu uk ti hna usih. Federel ram ser ding I zuam hna usih titu kha kan ruah ding can asi .

Miphun dawtnak he,

Credit: Ngai Sak

Note: Thitaeng Mang(David hailian) nih a share mi kan lak chin mi a si. 

 228 total views,  1 views today

This function has been disabled for Chin 11 News.