Ruah Chuk Cho: Tulio US Ram Chung Ah Thil Acang Cuahmah Mi

Catialtu: Salai Lairamthang 

1. Minak pa, a thimi, Goerge Floyed timi pa kha, thilfir, rit-hai sii, phaisa fir, fa pawi nu meithal i a hmuahchih i, a thil chuh, mi inn bauh le damiah taih ruangah thong kum 10 tluk a tla balmi a si. A hnu bik kha phaisa ttuh ruangah an tlaih thanmi a si.

2. Tulo ah a laar ngaimi, conservative minak nute, Candace Owens nih George Floyed kongah a chimmi cu, “Zei paoh va cang ai kun, misual pa in hero bantuk ah a canter cu a hlan kum 10 chung duh tawk in a sualnak cu kan caah fashion show bantuk ah a cang” a ti. Minak pawl caah kan hero a si kho lo a ti.

3. President Trump nih virus ruangah kan phih le kan kharmi hi zulhphung kan tuahmi zulh bu in kan on ding a si cang a ti lio ah, democrats pawl nih on ding a si rih lo, Coronavirus ttih a nung tuk an ti i on an duh lo, an i chang. Asinain tutan sandah piah ah lengchuah a thawng bikmi le mibu in a vak a vaimi hna hi democrats ttanhtu deuh lawngte an rak si.

4. Donald Trump thimfung ka thla lai lo tiah a hrocer mi Republican hruaitu cheukhat pawl le president hlun pawl hi 2016 thimnak lio zongah Donald Trump thimfung a pe duh lomi lawngte an rak si. Anmah thimfung tel loin President a thling ko. President hlun an si ruangah thimfung pahnih an ngeih hlei lo. Thimfung pakhat telawng an ngei ve ko.

5. 2016 US President thimnak ah CNN le Main stream media pawl nih opinion poll atu le atu an tuah le Hillary Clinton cu teinak an rak coter peng. Asinain thimnak caan a phak taktak i thimfung an thlak ahcun Donald Trump nih a tei thiamthiam, Tukum zong opinion poll a phunphun a chuak rih lai i, Joe Biden kha teinak an coter peng lai. Asinain November 3 President thimnak ah conservative tarnu tarpa tthiangthut he an rak chuak te lai i Donald Trump cu thimfung an bungh hnawh than lai i, teinak a co te lai.

6. Tutan sandah piahnak ah, inn an bauh, inn an khangh le motor an duah ruangah dai tein a ummi mirang pawl an thin a phawh chinchin hna ruangah Donald Trump tu thimfung a hlei in a chap te lai tiah ka ruah.

7. Chin party CNLD nih an party aiawhtu ding candidate thimnak ah pengt hruaitu hna biachahnak lawng in thim an timh hna lio ah NLD party nih cun khuanu khuapa upatmi hna an sawm hna i, NLD party aiawh in MP a cuh dingmi an thim hna lai.

8. Norwegian scientist minthang Birger Sorensen nih coronavirus cu amah tein a chuakmi Virus si loin Tuluk pawl nih lab ah an ser chommi virus a si tiah a chim.

 167 total views,  1 views today

This function has been disabled for Chin 11 News.