မိုးကုတ္ myo ah zahan August 11 ah ruahpi faktuk in a sur tiah theih a si, Nihin August 12 zing lei tiang cat loin ruah a sur caah khuapi chung hmun dangdang cu ti a dil dih i inn chungah ti a lut mi a tamtuk cang tiah theih a si. Mah ruahsur ruang le ti a tam caah vulei a min chih i, khuami harnak an tong hna tiah theih a si.
Relchap: Ralhrangbu Nih Biaceih Lio Mi Criminal Case Vialte A Khar Ralhrangbu nih uknak a lak ni February 1 le mah hlan ah tazacuai a si i, biaceih lio mi sualnak he a pehtlaihmi case vialte cu khar a si tiah ralhrangbu counsil nih August 11 ah a thanh.
Kan hnu July 20 ah biaceihnak in luat dingin thanhnak a ngeih hnuah, covid-19 pulrai ruangah biaceih lo in caan saupi thongthlak a si cang mi hna case hi khar piak an si tiah a thanh than mi hi a si.
Case khar mi ah ralhrang dohnak upadi, minung he chawlehnak, rithai sii in chawlehnak, phungninglo bu upadi, ram leirawitu upadi pohmah 122, ram zah/upat lo upadi pohmah 124 in tlaihmi le a zaam lio mi hna cu a tel lo tiah ralhrangbu cathanh nih a langhter.
A cunglei langhter mi upadi 6 he tazacuai a si lo mi, February 1 hlan case vialte cu khar a si lai ti hi a si. Lainawn, tlaihhrem, phaisa hlennak case he pehtlaih kn a tuartu leiin an lungtlinlo le case khar an duh lo a si ahcun September 30 hlan tiang chim khawh a si lai.
Cu lengah zeibantuk case poh siseh tazacuaitu bu pakhat khat nih case khar awk a tlak lo tiah biatling an ngeih a si ahcun September 30 hlan tiang caan pek a si lai tiah ralhrangbu counsil nih order no. 172/2021 a chuah.Ref; Myanmar national portal
Relchap: Nawlngeihnak lakhnu ni(192) ah ralhrang kut in minung 965 nunnak liam; AAPP nih August 11 ah an thanh ning ah Myanmar ram huap in nawlngeihnak lakhnu ni(192) chungah mipi 965 ralhrang kut in an nunnak a liam.
Tlaihmi dihlak 7151 an si i,atu tiang kharkhumh mi 5550 an si.Tlaihding in thanhmi 1984 an si. Ralhrang kut in nunnak liammi lakah Yangon hi a tambik an si i,Mon ramkulh ah minung 10 an nunnak a liam i tlaihmi minung 400 leng an si.
Leave a Reply