Ruah A Phu Taktak! Ralkap Nih Phaisa Khuazei Ahdah An Lak Lai! Phaisa Sernak (Namnak) Sehzung Cu An Kut Ah A Um!

Khiing cangh phun deuh in cuanh ah teh… Rakhine ANP cu Raap lei kam ah an ibeek. Anmah lei caṭialmi pakhat zong ah kan duhmi “Wah ram bantuk mah te i-uk khawhnak” ti phun hna an telh. Chin, Kachin, Kayin, Kayah, Shan le Mon teh?

Mon party pakhat nih khan cun raap lei an hoih ve. Thimnak tuah lio i NLD milaar ngang an timi a teitu mino pah nute phu kha an si, an ti. Adangdang pawl khi news ka dawi lonak sau, ka tlai kho ve hna lo. USDP le a hawikom party 32 nih raap an dirpi cia. Rawl nuar CDM in raap uknak thluk khawh si lai maw?

Kei ka Facebook hawikom le pawngkam sining ah cun, CDM cawlcangh ning a hraang ngai. Chinram lebang CDM nih teinak a hmuh ko ti dingin a um. Kawlram chung cozah rianṭuan vialte 100% bak nih rawl nuar in zung kai hna hlah sehlaw, Raap cu an ṭum lai maw? Pi Suu te phu tah cozah uknak cabuai cung ah cun an rak chuak kho kun lai maw? Mah cucu ruah ngai hau hnga. Kawlram mipi chimlo, anmah kuttang ralkap sawhsawh nunnak hmanh zei a rel lomi Kawl ralbawi pawl nih, cozah rianṭuan pawl zung kai lo ruangah an uknak an iṭhul lai ti cu ruah awkah a har ngai.

Annih cu mipi thimmi an si lo i anmah tein ṭhutnak aa lakmi an si. Thlachiat ruat lo phu an si. Pi Suu thin phawhter ah teh? SNLD ti phun party ngan deuh pipi nih Pi Suu khi a thin phawhter hna sehlaw, phundang in a khiing cangh aa mer kho men.

SNLD nih raap ai kawpter ah cun, nute kan ti cu, raap he daihnak a ser kho. Cucu khiing icangh, game icelh phun khi si. “Elaw, kan lo hoi ko lai. An kan lanhtaak dih cang lai” ti phang lai i, “Nan tuahmi thimnak ah kan lut ve ko lai. Nain, kum khat chungah nan tuah bak lai mu. Ram kip in tlangtlaktu kan au hna lai. Cucu nan duh lai maw, nan ngamh lai maw?” a ti ko hna lai.

Rawl nuar phun khi miṭhami hna paw ṭaamter i miṭhalo pawl khim puung umter he ai lo sual hnga maw? Ralkap uknak chiahru duhnung lo tak doh le thlak duh ruang i rawl aa nuartermi pawl cu uar an um taktak. An pasal, an nusal bak teh. Cikhat emotion sawh in si loin, tuaktan deuh in van cuanh tikah, Ralkap le palik pawl cu lahkhah an vai ipe peng hnga. An kuttang misual 5000 phalh timi pawl cu ni cia in an hei phalh peng hna hnga.

Ralkap nih phaisa khuazei ahdah an lak lai tbk in FB ah ca hna a chuak. Wazi phaisa namnak sehzung cu an kut ah um na lakah, an duh chungin Kawl phaisa cu an inam khawh tikah cun, Kawl raap bak rawl nuar phun in kan hrem hna lai, ti khi cu…  Credit: Salai C Alexander