Ronaldo Cungah Lionel Messi A Um Cang Aii

Lionel Messi sin ah vawlei cung bawlung chuih thiambik laksawng Ballon d’Or a voiruk nak cu an pek cang. A sinain chim chinh mi ah aa telmi cu Cristiano Ronaldo kong hi a si I, Ronaldo cungah Lionel Messi hi a um cang tiah chim khawh a si.

Ronaldo fan hna caah cun ngaih nuam lo tuk a si pin ah Portuguese hmaikal Ronaldo ca zongah ngaih nuam lo tuk a si. Serie A Player of the Year laksawng peknak ah a kal I, a ruang bik cu Messi nih Ballon d’Or a lak lio hmuh a duh lo caah a si.

Juventus hmaikal hi nikhat ni hlan poh kha cu Lionel Messi he an hmuhmi laksawng aa tluk I, Ballon d’Or panga 5 veve an hmu cang. A sinain a tubel te ahcun Messi cu Ronaldo cungah a um cang. Kum upa deuh a simi Ronaldo nih hin a phan kho ti hnga maw? ti hi biahalnak lian taktak a si.

Messi belte nih theihthiam tuk dingin bia a chim fawn I, cu a chimmi cu “ Cristiano nih ka Ballon d’Or ngeih zat a vun ngeih kha cu a harsa tuk tiah ka ti I, a sinain kha lio hrawng kha cu keimahnak in laksawng kha pek a phu ko” tiah a ti. A sinain a tu belte ahcun Ronaldo cungah Messi cu a um cang. Fef: VLN

 251 total views,  1 views today

This function has been disabled for Chin 11 News.