Ronaldinho Cu Passport Deu/Lem A Hman Ruang Ah An Tleih

Brazil le Barcelona caah van arfi bantuk in a rak sunglawi mi bawlung chuih thiam taktak Ronaldinho cu Paraguay ah an tleih i an tleihnak a ruang hi Paraguay luh nak ding ah document a hmanlo mi le passport deu (a ttuh) a hman ruang ah a si tiah an langhter.

Ministry of Interior od Praguay nih an langhter ning ah cun a tu i an tleih mi hi Ronaldinho lawng hmanh si loin a unau a si mi Roberto zong an tleih chih ve i Resort Tacht & Golf Club Paraguayo ah Roberto cu an hren lio a si ko tiah langhter.

Ronaldinho le Roberto hi Paraguayan nationality a ngei mi bantuk in passport an an min tial mi he hotal a hlang mi an si i cu hotel i an um nak ah cun an passport cu a deu/a ttuh a si kha an theih hna hi a si tiin La Nacion nih cun a langhter. Ronaldinho hi buainak tete a tong lengmang mi a si caah 2018 kum zong ah khan Brazilian passport zong an rak chuh cang mi a si i nihin tiang zong ah Brazil rammi sinak passport cu an pek ti lo mi a si.

2015 kum lio zong ah khan Ronaldinho le a unau pa cu Guaiba tikulh ah phungninglo in nga tamtuk an rak tleih mi ruang ah an rak tleih cang hna i $ 8.5 millionĀ  liamter ding in an rak ti hna. Asinain 2018 tiang ah khan an pek dih khawh lo caah Ronaldinho cu Brazil Superior Court of Justice nih Brazil ram chuahtak kho lo ding in nawl a rak pek cang mi zong a si.

Ref: Goal.com

 211 total views,  2 views today

This function has been disabled for Chin 11 News.