Rohinya Ralhrang Nih Hindu Minung 100 Leng An Thah Hna

Hindu minung 100 Rohinya ralhrang nih an thah hna. Rakhine ramkulh ah a ummi India miphun Hindu minung 100 tluk cu Rohinya ralhrang a simi ARSA nih an thah hna.

ARSA nih Rohinya ralhrang hna an thah mi hna kong hi hohnanh nih voikhat hmanh an chim bal lo. An langhter bal lo tiah Hindu a simi Daw Ket Talin Ting nih December 4, 2019 DVB debate ah a chim.

Rohinya ralhrang nihhin Hindu minung 100 an thah hna lawng si loin minung 400 reng lo Bangladesh an zam. Rakhine ramkulh ah Hindu cu minung tlawmpal te kan si. Rohinya miphun lawng si loin miphun fa tete tampi kan um ko tiah a chim.

Mahhi kong ahhin ICJ biaceih zung ah Hindu hna nih genocide case in ARSA hi taza kan cuai lo. Miphun hme tete hna zong nih taza an cuai lo. Rohinya nih Kawlram hi miphun cihmih thahnawnnak a tuah tiin taza an cuai ahcun kanmah Hindu mi tlawmte zong hi minung 100 tluk thah i minung 400 leng zam ahcun ARSA hi genocide in tazacuai ve awk khi a si ko tiah Daw Ket Talin Ting nihcun a chimchap.

Kum 2017 August thla ah ARSA hriamtlau hna nih Rahine ramkulh palik sakhan 30 an kahnak in Rakhine ramkulh buainak hi fak piin a zual i Rohinya Muslim minung ting 7 reng lo Bangladesh ah an zam. Rohinya Muslim hna ruangah Kawlram hruaitu hna cu OIC ram 57 ai awh in Gambie ram nih vawlei biaceih zung ICJ ah taza a cuai i nithum chung an i cuai hnu ah a tu cu an dih cang.

 

 253 total views,  1 views today

This function has been disabled for Chin 11 News.