Rian Ngeih Lo Ruangah Bawmhnak Kong Theih Tha Tete

Mitam deuh nih theih ciami a si ko nain a thei rih lomi hna nan um sual ah ti ah ca tlawmpal ka rak tial than ko hih. Na company an on ko nain nangmah duh tein inn ah na erh ahcun rian ngeih lo caah bawmhnak ( unemployment benefit) na ngah kho lai lo. Vacation le a dangdang benefit na company nih na caah an tuah piak lo zongah na ngah kho lai lo. Cun na company hnathlakpinak um loin nangmah tein inn ah na erh ruangah rian na ngei lo ahcun mah bawmhnak zong na ngah kho lai lo.

Nain na company nih inn ah caan zeimawzat I erh dingin an fial ahcun bawmhnak na ngah kho . Na company nih rian na tuan lo nain lahkhah an pek khawh rih ko ahcun mah bawmhnak hi na ngah kho lai lo. Nain na company nih inn ah ierh dingin an fial fawn, nain lahkhah an pek lo ahcun mah bawmhnak hi na ngah kho ko.

Acozah nih inn lole hmun khat khat ah ierh dingin nawl an pek sual ahcun mah bawmhnak hi na ngah kho . Cun, innchungkhar kumtling lo mizaw pakhat khat na ngeih ruangah inn ah na um i rian na ngeih lo ahcun mah bawmhnak na ngah kho. Nain kum tling mizaw a si ahcun na ngah kho lai lo.

Na company nih tulio pul zawtnak ( Covid-19) ruangah rian an dinhter chung siloah company an khar ahcun mah bawmhnak hi na ngah kho . Na company an on ko nain na riantuan caan a tlawm tuk i nazi na tling lo ahcun hnarcheu bawmhnak na ngah kho.

Laknak: Lewisville Chin Thawngpang Buk

 299 total views,  1 views today

This function has been disabled for Chin 11 News.