Rev. Dr.Van Ram Uk Le A Nupi Nih Damnak An Hmuh Hnuin Pathian Sinah An Chim Mi Lawmnak Bia

Kan theihcang bantuk in, Pathian rian a ttuan mi, Rev. Dr.Van Ram Uk le a nupi,”Sa lian Kai cu a tulio zawtnak, Covid-19 zawtnak nih a tlaak ve hna caah ni zeimawzat chung cu siin ah caan an hmang. Sii inn in an chuah hnuah an ton mi zawtnak kongah Pathian an thangthat ning in thazaang la ve hna usih.

“Covid-19 in kan damlo kha zeidahnak in kan mah ah hin, Bawipa nih a tthawnnak langhter a duh caah kan damlo mi a si ko i, a cungah phunzainak zeihmanh kan ngeilo i, a cungah lawmhnak kan ngei i, a min cu kan thangthat ko. Zawtnak nih damnak a chuahpi in, thazaang dernak nih thazaang tthawnnak zong a chuahpi ti kan theih fian chinchin ko caah hin lunglawmhnak in kan khat ko.

Kan nupa in kan damlo i siin i kan um lio ah khan zeidang hi kan ruahkhah mi a um lo, kan tefa le hna kha nzeitindah an um hnga ti lawnglawng hi kan ruat, cun thlarau tlaumi tampi chanhding a um mi kha kan chanhchuak manh hna lo i, mah tining cu a sin kan kal ngam in a hmai kan hmu ngam hnga maw ti hi kan ruat. Kan mah nunnak hi cu tarlei kan sicang caah thih hi kan imanhtuk cang ko.

A tu kan nun rih mi hi cu a mah sertu caah a si i,a mah nih a kan fialmi cu a tlin khawhnak hnga caah rianttuan fialmi tu men khi kan si ko. Cucaah kan nun rih ahcun a mah caah kan ttuan chinchin lai i,kan thih a sizong ah kan ttuan cia mi, chim tlaaklo te kha a mah nih a kan zohkhenhpiaktu ding mitha tampi a ngeih ko hna i mah hna nih cun an zohkhenh hna lai i thawngtha an chimh ko hna lali ti hi a si.

A dongnak ah kan chim duh mi cu,kan nupa kan damlonak kong a thei i thlacamnak he siseh chgawva in siseh thazaang in siseh a kan bawm i a kan zohkhenhtu nan dihlak cungah lawmhnak kan chim i, sertu nih nan herhning cio in thluachuah in pe ko hnaseh tiin nan caah thlaza kan cam” an chim hi a si. Bawipa nih damnak tling he lam hruai zungzal hna selaw a mah a ram a kauhnak caah hmang chin ko hna seh.

 260 total views,  1 views today

This function has been disabled for Chin 11 News.