Rev. Dr. Chum Awi: NLD Ah Chinmi Dihlak In Kan Ttan A Hau

Chin ram le Chin miphun a daw tak takmi, le Chin miphun kan pa bik ZBC GS hlun ( Atu CBC ) Rev.Dr.Chum Awi ( USA ) nih Chin miphun vialte nih NLD Party hi kan dirpi awk a si ko a ti.

Tulio Kawlram sining le dirhmun, ramkhel umkal ning fiang tein a zoh tik ah Re. Dr. Chum Awi nih a chim mi hi a hman lo tiah ti awk a tha lo, a chim mi hi thil tha le biahmanh a si lai ka zumh ngai ve mi a si.

Rev.Dr.Chum Awi nih a chim mi cu “21 Century chung cu Democracy fek tein a dir khawhnak ding i zuam cio ding a si. Pi Suu lawng rinh lo ding. Miphun dang cu chim lo Chinmi hruaitu hna Pu Lian Uk, Pu Zing Cung, Dr. Sui Khar, Dr. Lian Hmung Sakhong, Dr. Sasa, Salai Bawi Lian Mang, Salai Thla Hei… tbt hna khi NLD party ah an luh awk, an hruai awk, a si. Hmailei pi ca tiang.

NLD hruainak a hmunh paohpaoh ah federal democracy le self determination le a dangdang kan hui te hnga, ka ti. Peace Talk hi cu vawlei a dongh hlan tiang paoh a rau kho men. NLD ah Chin mi dihlak in ttan a hau. Cucu kan miphun caah lam kau bik a si. Zeiti khin dek nan hei ruah cio!!!” tiin a rak tial hi a si.