Rev. David Lah Taza An Cuainak Phunghram Acts 2013 Article 25

Rev. David Lah hi March 17 – 21 tiang Online LIVE Programme a ngei i aa pummi minung 20 hrawng an si. hi lio ah hin cozah Nawl ngeitu President zung nih Lock Down le Stay at Home order a chuah rih lo, a sinain mipi cu a bu in (minung 5 nak tam) hmunkhat ah um lo ding in a nawl in an nawl (ruahnak cheuh phun in), Department tu cu zulh hrim2 ding tiah order pek an si.

Kawlramchung ah a hmaisa bik Covid – 19 case No. 1 cu March 23 ah Tedim, Kaptel khua ah hmuh a si i April 5 (a ni hi ka palh kho men) ah Cozahpi nih Lock Down le Stay at Home order a chuah kha a si.

A poi bikmi cu City-Hall i Programme an ngeih mi kha a si, hi ka pumnak ah hin a mah Rev. David Lah telh in minung zeimawzat Virus an I chonhbarh hna ruang ah Rangon Cozah nih Programme hruaitu, Saya David Lah telh in Minung 4 taza an cuai.

Rev. David Lah taza cuainak

Myanmar Phunghram Natural Disaster Management Act 2013 Article 25 ah cun hiti hin tial a si. “no one shall be subjected to any form of scrutiny or improper conduct by any means. The person shall be punished with imprisonment of not more than three years and punishable by imprisonment if there is a natural disaster or if there is a deliberate cause of impending disaster.

Hi Phunghram ah hin gathering / social distancing zei hmanh aa sailo, City-Hall Programme an hmannak ah khan Virus i chonhbarhnak (deliberate cause of implementing disaster) chuak hlah sehlaw Taza an cuai lem lailo.

May thlachung ah Sri Lanka in Phungki sianghngakchia 120 a bu in an tlung, Phungki dirkamhnak sandah hna an piah, Natural Disaster management Act Phunghram nih a langhter ning in thil a can velo ruangah taza cuai an si loh tiah ruah khawh a si. Palik le Media hna zong a bubu in an um, Thawngthlak tiang i huah ding in phungbuar ah an hei rel lem loh sidawh a si.

Sual an phawtnak case zoh tik ah Rev. David Lah hi a bu i ipumhnak tuahpi ruang ah silo in an i pumhnak mibu sin ah Virus aa hnoihpherh viar ruangah si dawh in ka hmuh.

Keimah pumpak ruah/hmung ning.

Credit: Doris RualThanga Thangtea TL

 215 total views,  1 views today

This function has been disabled for Chin 11 News.