Republicans Tamtuk Nih Pei Trump An Vote Lo Cu!

Democrats le Independents cu chim lo, Republicans tamtuk nih pei Pu Trump an vote lo cu. White House ah Trump nih rian ngan a t’uantermi Kellyanne Conway i a pasal, George Conway, le a hawile(Lawyer minthang lawngte) nih “Lincoln Project” min in Trump nih President rian a peh khawhlonak dingah paisa tampi hmang in campaign an tuah.

Hi hna hi Republicans an si, Donald Trump hi American rampi le American mipi hruaitu dingah ai tlak lo an ti. Arizona State ah a thih tiang Senator a rak t’uanmi John McCain nupi le fale nih Donald Trump cu kan Vote kan pe kho lo an ti caah anmah chungkhar a dawtu Arizona mipi tampi nih anmah chungkhar he Joe Biden tu an vote ve.

Republicans pawl votes hmanh co dih khawh lo bu in US President si khawh asilo. Cucaahcun, zeibantukin Chinmi nih tongpa t’anh in t’anh zong Pu Trump cu inn ah a t’in ko cang lai. Ref: Z Mualcin

Relchap dingmi:- US President thar an thim mi, Joe Biden nih caan saupi a adviser a si mi, Ron Klain cu White House chief of staff caah a thim ticu Nithumni ah khan a phuan.

President elect Biden cu thim a si hnuah appointment biapi ngai mi a voikhat nak a tuah a si. President thimnak result hi fiang tein an phuan rih lo i, President tuan lio mi Donald Trump cu ka sung cang tiah a chim duh lo nain, Biden nihhin cozah thar dirh nak caah kar hlan a timh cuahmah cang fawn.

White House chief of staff caah a thim mi Klain hi kum 59 mi upa a si, president hlun Obama tangah vice president a tuan lio ah khan a chief af staff a rak si cang i, mah ruangah hin Biden nih hin mah rian hi a pek tiah mi tampi nih an zumh.

Klain hi public health crisis khamnak kongah hin thil tampi a thei mi a si i, Obama president a tuan lio zongah khan, 2014- i Ebola zawtnak a karh lio zongah cozah nih zawtnak dohnak kongah riantuan dingin ‘Ebola Czar caah an rak ruat mi a si fawn. Biden nih nawlneihnak a lak hnu cun Covid-19 zawtnak kongah Klain hi biatak te i a cawlcang ding mi a si lai tiah an zumh.

”Klain hi ka caah mi santlai taktak a si i, kum tampi riantuan ti kan si. mimak tak a si i, a lam kip in experience a nei cang tiah a chim.zawtnak dohnak zongah hin kan caah riantuan kho ding a si tiah a chim. kan ram caah rian tuan ti ding kan si hi ka lawm kho tuk tiah a chim. Kum 77 mi Joe Biden cu Kum voi January 20-ah President 46 nak tuan dingin an lak cang lai. Credit: VLN