Reng Sang A Tlai I CDM A Tuah Kho Ve Rih Lomi Vuanthan Ka U Le Biacah!

Reng Sang A Tlai I CDM A Tuah Kho Ve Rih Lomi Vuantthan ka u le hna, Minung nih kan tuar khawh lo bik le tuar kan i harh bik mi le kan ttih bik mi hi thih a si, cucu nan chungthil kan chungthil in kan i fian mi a si.

Cu thihnak timi phanh lai theih ko na buin lam cungah sandah a kan piak piaktu le nihin nai i nai hmuh lengmang mi a kan thih tak mi kan mi ral ttha hna sining nih khin nan thinlung an hnursuang el ve hna lo maw?

Ka reng kal tak hi ka ttih lo, ka dirhmun cu cutin kha tin si i ttih a nung tuk tiin i phetchem leen caan a si lo. Ziah mipi nih cun an ngeihchun nunnak pakhat te hmanh heih an kan thap piak cu.

Keimah kong ka chim ta lai. Vuanthok reng hi kum no tein ngah khawhnak dingah hehchet tiah ka rak i zuam ve. Pathian dawtnak thawngin kum 23 ka tlin tlawmpal ah vuanthok reng hi ka ngah. Pathian pekmi laksawng sunglawi ttha a si tihi ka theih tuk.

Hi dirhmun ah um in zung kai ning law nan chim bia laak ahcun mipi caah rian ka ttuan la i a ttha deuh tihi a olte mi duhthimnak dirhmun a si. Asiah a har tuk mi dirhmun um dingin zeitindah kai thim ngam. Mipi lei ttan in dir ka duh. Ka duh thim biachahnak kha mipi nih a kan thih taak mi hna ka hmu hna tikah a fek chinchin.

Kai harh tuk mi biachahnak nih nihin tiangah chirnak le phuhrun nun a ka pe lo, ka chanchung a ka pek lai lo. Rengah ka u le dirhmun a um mi hna duhthim biachahnak tuah i palh hlah u.

VK
Vuanthok (CDM)
MoE
Naypyitaw