Remdesivir Cu Coronavirus Caah A Tthatlo Pinah Tihnung Tuk A Si Tiah WHO Nih An Thanh

Remdesivir timi sii cu Ebola thlawpnak caah rak sermi a si i atu Coronavirus thlawpnak ah a ttha lai tiin a chimmi an tam ngai, nain World Health Organization (WHO) nih April 23. ah khan a ttha lo tiah ripawt a chuah.

Mah cu kong cu The Guardian le Financial Times nih an ttial hmasa, i Remdesivir cu Corona thlawpnak ah a tthabik lai tiah rak i ruahchan a si caah WHO he i bawm ram tampi i bawmh in an hneksak ee, an ti.

WHO nih an website i an chuahmi ripawt cu a tlamtlindeuh lo caah an hnawh tthan i a rauh hlan ah an chuah tthan lai tiah an chim.

Asinain Remdesivir cu minung 240 sinah an hneksawk i rian a ttuan lo hlei ah cheukhat sinah thil ttha lo (bi-effect) a chuah caah an hneksakmi cu an ngol chung tiah Guardian nih cun a ttial.

Coronavirus thlawpnak le kakwaisee hi fawi ah a chuak kho lai zumh a si rih lo caah media ah zaran nih an chimmi paoh zum lo in Expert le vawleicung ngandamnak lei rianttuanmi bu nganbik WHO nih an fehter lomi cu zumh ding a har ngai tiah kan ruah. Sii le zawtnak kong cu sii lei le zawtnak kong a cawngmi nih an fehtermi hi a biapi ko.

Laknak: Teirial Catialtu

 188 total views,  1 views today

This function has been disabled for Chin 11 News.