Ramkhel Fihnung! Ziah Hi Tluk Hin Maw A Rak Fihnung!

Ref: Salai Lungthlitum — ‘2020 election ah kan in kianh ve lai’ timi biakamnak
======================================
Minung nih biakam kan ser theu, cu biakam cu zapi sin kan langhter lem lo. Biakam a sertu kar ah biathli pakhat a si, cu biakam a zul lomi cu ‘mifirkhu’ kan ti hna.

Thantlang peng Chin party EC nih 2016 September(6) ah biakamnak or biachahnak an rak tuahmi a um. Cucu, ‘Lal Maung Cung nih Pi Zatlem le Salai CBT cu 2017 by-election caah a kianh hna lai i 2020 election tikah State MP hmunhma caah LMC cohlan cia siseh’ tiah bia an chah.

An biachah bantuk in by-election caah EC nih candidate thimnak ah LMC a lut lo, Pi Zatlem le Salai CBT an i cuh i Pi Zatlem nih a tei. Nain, Pi Zatlem cu by-election ah a sung than.

Atu 2020 kan hun phan. Salai CBT nih LMC hmunhma ah luh ding a sawk than, 2016 biakamnak aa theiter ti lo. LMC nih a cohlang lo, ‘a lawng ti lo’ tiah February ah thawng a thanh. Nain, Salai CBT nih a sawk nolh rih. An kar buainak a linsa chin. Caan saupi cu a chung in phisin an timh nain a si thiam ti lo, nizaan kha zapi theih in an buai beh. Ahodah a palh ne?

Biakam a zul lomi minung cu zeitik hmanh ah zumhtlak an si lo, mah zawn lawng an i ruat. Party le miphun a daw taktakmi nih mualpho ding an tih tuk, a si khawh chung in an hrial. Nain mah zawn lawng ai ruatmi nih cun mualpho an tih lo, anmah duhnak biapi bik ah an chiah.

Hika zawn ah ahodah mah zawn lawng ai ruatmi a si? Hodah mualpho a tih lo? Ho nih dah biakam a zul lo? Tuaktan awk ngai a si.

##’Mah pa hi ai thelh tuk, amah he ai saing lomi ah aa ceih tuk’ nan ka ti ko lai, nain ningcang loin thangchiat a tongmi or nek a tongmi ka hmuh hna tikah dirhkamh loin ka um khawh tawn lo caah a si.

 223 total views,  1 views today

This function has been disabled for Chin 11 News.