Ramdang Cozah Nih Kan Hro Len Hlah Uh! Nan Kan Hro Mi Zeihmanh Ah Kan Rel Lo

Ralhrang in Myanmar ramsung thuneihnak an lak ruangah ramdang pawlin a phunphun in an hringhro ih hremnak an pe. Leitlun huap thuṭhennak khalah taza an cuai, ralhrang pawl ih sumdawngnak khal an phitsak.

Cambodia Prime Minister Hun Sen cu Myanmar ram ah ava tlawng ih ralhrang pawl aiawh ih thuphuangtu Zaw Min Tun thawn an tongaw. Cutawk ah Cambodia Prime Minister in ‘ralhrang in hringhronak phunphun nan tong mi hi ziangtin nan tuah ding?’ tin a sut.


Zaw Min Tun in, “Ramdang pawl ih hringhronak cu kan cohlang lo, in hringhrotu ram pawl cun ziangtik lai caan khalah in hringhro ringring ding.

Leitlun hmaiah in dinpitu ram pawl cun ziangtik lai caan khalah in dinpi ringring ding, in hringhro tinten kan lungnem in kan cohlang asilen Myanmar ram in zalennak arak ngah dah lo dingih Myanmar ram khal aum lo ding” a ti.Vapualaw

Kan domi le kan kahthatmi ralhrang hmuahhmuah hi kan inn le lo siatsuahtu an si thluh lo.

FALAM KHAWPI THUANTHU – Lairawn Zilthli

Asinan kan inn le lo, kan miphun in siatsuahtu SAC ralhrang lam a ṭangtu, a uknak hngetternak hrangih hnaṭuantu an si ruangah zozo khal kan kapaw ih kan thataw a si.

Cuti’n anmah khalin in ui lo vekin kannih khalin hi mi uknak sia in kan ram luatnak ding a si ruangah kan ui ve hrimhrim lo. A ṭul ahcun kan kapaw in kan thataw a si.

Cuvekin ralhrang dotu sungah Kawl miphun a va si hmanah thudik lam ṭangsal in CDM lut ih mipi lam an ṭan ahcun kan hmuak in kan ṭangtlang. (eg. Ralkap/Palik in ra tlanmi pawl).

 

Curuangah SAC ralhrang lam hngetkhohtertu dingih hnaṭuantu nan si ahcun kut ṭha lo le kut, ke ṭha lo le ke ti’n zohman ui lote’n tan a ṭul tikah kan riahsia cio lo pei. (A san cu SAC duhzawngih nan cangvaih a si cun zohman kan lo ui lo lawlaw ding).

SAC ralhrang kan do nakah tu kan dinhmun hi Chin mi hmuahhmuah Falam, Hakha, Thantlang ti lo, saklam/ thlanglam Laitlang ti um loin hmunkhatah kan ṭanrual rero lai tak a si.

Cumi lakah kanmah Falammi lawng ralhrang thu ngai in kan um. Kan mino pumpeawtu, zan khawsik tihal rilrawng, a sur-sa ti um loin nunnak tiang hman thapih hnaṭuantu CNDF in pakhatkhat kan tuah pang asile mawhphurhnak kan la lo pei ih nan dam sungah siraw duahdo in nan um ding.

Non CDM saya/sayamah pawl khal CDM nan tuah duh lo cu innsungsang harsatnak a phunphun nan nei in kan dinhmun a bangaw lo men thei. Asinan, nan lakkhah ziangzat dothlengnak ah nan pe zo? Nan ruahsannak le nan tumtahmi teh a famkim ce cuang maw? Nan zohaw felfai a cu!!

Hi tluk kan rampi huapin dinhmun sia kan thlen laiah thusau ruat l in tumtah dang nan rak nei bet a si ahcun tu ihsin thokin kan tesinfa pawl le kan miphun hrang hmakhua pitter thoktu nan si ti kha theiaw uh.

Khua le ram hrangah inn le lo tiang tan in a ṭang ih a do rerotu, nunnak liamtu le hriamhma ngah in kutke him nawn lo an um laiah nan fa le pawl fimthiamnak ngaingai a pe thei lotu tlawng nan va kaiter rero cu nan parah kan lungawi lo.

Kawl ralkap uknak pawlin kan miphun fimter in duhsak ruangah tlawng in phuantermi a si lo ti kha rak thei cio in nan fa le kha tlawng rak kaiter hlah uh.

Fimthiamnak in pe duh ngai sehla…

Tui hlan ihsin kan Lai khawte tlawnginn pawlah… tlawng inn pakhatah saya pakhat tivek hrawngin ca zirh an rak fial lo ding. Kawl khawpi lam ih experience nei lo pawl, promotion ngah pek pawl le santlai lo ruangih punishment tuartu saya pawl lawng kan ram ah an hun kuat lo ding.

Kan ca zir dan a ṭhat le tthat lo kan zohsal asile ….

BA(Eng) tiaw ve mi in Mirang ṭong ṭhaten thei/ṭong thei lo kan tampi.

BA (History) ngahtu in kan Lai thuanthu hman thei ṭha lo kan tampi.

BA (Geo) in Kawlram ziangtluk a kau ti hman thei lomi cazir ak pawl in pek a si kha.

Nan fa le pawl fimter nan duh ngaingai asile…

Tuiṭum dothlengnak hi ziangtin kan ṭheh zangzang thei ding ti lawng ruat sawn in, ralhrang pawl kaitermi tlawng ah ret hram hlah uh.

Tuih nan fate tlawng nan kaiter lo ruangah an aa lan lo ding. Tuih dothlengnak ah nan tel ve duh loih ralhrang pawl thu nan thlun asile nan tesinfa tiang Kawl ralkap sal ah cangin farah zonzai le ruahnak fumfe nei loin an aa lan sawn ding.

Kan ram le miphun hrang ruat hmaisa in kan fate pawl tlawng thlah loin kan ṭang cio pei uh.

Fimthiamnak ngaingai a lo pe thei lomi cazirhtu, Falam hminsetertu, SAC ralhrang uknak hngetkhohtertu nan si ahcun z khal kan lo ui lo lawlaw ding a si. IHBURLEN

Be the first to comment

Leave a Reply

Your email address will not be published.


*