Kan theih bantukin Mandalay khuapi chung bakah kahnak fakpi a chuak cang i, Yangon ramthen zongah kahnak fakpi a chuak cang, Tlangcung hriamtlai a thawngbik Pahnnih KIA le KNU nih an mipi fimkhur ding le an himnak caah biatak tein tuanvo kan lak lai tiah thawng zong an thanh cang. Mipi nih zeitluk ralrin dah a herh, kan theih bangin Ralhrang nih khualtlawn sawhswh mi hmanh an bawh hna i an kah hna. Cun mipi nih PFD le CDF hriamtlai bu hi an dirpi hna ti an fiantuk caah mipi thih hi an zei a poi lem lo. Ralhrang nih mipi a thah mi hna hi minung 800 leng an si cang.
NUG cozah thar nih a luacia nili lio ah mipi ralring dingin biacahnak zong an nei i, himnak hmun i kawl uh tiah an thanh chih. A ruang cu zeitik caan poh ah fakpi in raktuknak a chuak kho cang tiah an chim. An thanh hnawhchan bik cu Ralhrang hi an duh ningin an cawl khawh lo tik ah mipi zaamnak le umnak kip ah cung lei in Bomb an hman lai caah hihi mipi caah tihnung bik a si kho tikhi a si. Hmun tampi an i kahnak ah cungin bomb an thlak hnawh hna i anmah ralhrang chungin minug tamtu an thi cang. Mipi le hriamtlai kha zoh lem loin an duhpoh in bomb an thlak chih caah NUG cozah nih cun ralhrang tih an nunnak kong zong a chim
Chinram ah kan hriamtlai hna hi an duhning in an tuk khawh hna lai lo caah cungin mipi umnak ah bomb an thlak lai tihi zumh a um bik caah mibu piin zaam hmanh hi a him lo kho i tihnung a si kho, NUG nih an thanh mi hi a thatuk mi a si tiah ka ruah, a ruang cu mah le chungkhar deuh in kan zaam a si ahcun himnak a tam deuh kho. mibu in kan zaam a si ahcun kan caah a him lo deuh mi a si lai an ti caah chungkhar ceih tinak in zaamnak i kawl uh an ti hi a si deuh rua hlah maw ka ti. By Pa hmun Mh
Leave a Reply