Ram An Vaih Nak Ah A Hawipa Cu Saram Ah A Ruah Caah Thi Lak In A Kah Sual

Thailand ram Lamphun pyine ah hawikawm pawl a phu in ram vaih ding in an kal hna I an hawipa pakhat cu ramsa ah a ruah sual ruang ah thi lak in a kah sual tiah Thailand police nih thawngthanh nak an tuah

A hawipa meithal in a kapsual tupa hi a min ah Weerachai Rorwongtawan a si I Thailand ram Lamphun pyine police zung nih nizan July 3 ah khan an tleih ve cang tiah an langhter.

Hi an thil ton mi kong he pehtlai in Weerachai Rorwongtawan nih a hawipa a kah sual nak kong a chim mi cu “Ram lak ah sa kah ding kawl in ramvaih ding ah kan hawi le he kan kal hna, keimah le ka hawipa (a kah sual nak ruang ah a thi mi) hi tlang dang veve in kan kal ko. Asinain burbuk a cawlter mi ka hmuh caah ngal hriang a si theu lai tiah ka ruah caah ka kah hi a si. Meithal in ka kah dih le cangka in a a ihram thawng ka theih ka zuan hnawh cawlh ve I a nunnak ka chanh manh ding a si ti lo caah keimah tu nih police cu phone ka chawnh hna hi a si” tiah a chim hi a si.

Police nih Weerachai Rorwongtawan cu a meithal zong an tleih piak, cun ramvaih nak ah ai bei mi zal an zoh piak tikah drug tlawmpal zong an hmuh chih caah mithah case le drug case in a hmuh an phon piak tiah police lei biachim tu nih cun a chim.

Source: Akon Thi

 

 211 total views,  1 views today

This function has been disabled for Chin 11 News.