Raltuk Kal Mi SAC Ralhrang Minung 7 An Thah Hna

Raltuk Kal Mi SAC Ralhrang Minung 7 An Thah Hna

Mandalay ramṭhen, Madaya peng Hinta khua le Myittahpat khua in a chuak i ke in rallam sialtu SAC ralkap hna cu Drone hmang in doh an ton caah SAC ralkap 7 an thi tiah tualchung hriamtlai Unicon pahkahphah in ṭuanvo ngeitu pakhat nih a chim.

February ni 28, zinglei suimulam 9:00AM hrawng ah Myittahpat khua ummi SAC ralkap hna cu Drone hmang in bomb lung hnih an thlakhnawh hna, cu hnu zanlei suimilam 3:30PM hrawng ah Hinta khua in Sakyin lei ah minung thazaang 30 leng ke in rallam sialtu SAC ralkap hna cu Drone hmang in bomb lung 5 thlakhnawh an ton caah SAC ralkap 7 an thi, 7 nih fak ngaiin hliam an tuar tiah theih a si.

“Khua in a chuakmi hi minung 30 leng an si, khuachung an kir ṭhan ah 25 lawng an kir, hliamhma tuarmi ralkap hna cu zan suimilam 11:00PM hrawng ah Madaya lei ah leilawng 2 in an kalpi hna” tiah Unicon pahkahphah in ṭuanvo ngeitu pakhat nih a chim.

SAC ralkap hna cu Unicon pahkahphah nih an kahdoh hna, cu dohnak ah cun tualchung hriamtlai phu lei hliamhma tuarnak um loin hlawhtlinnak he hnu an tolh kho. Myittahpat khua ah umhmun khuarmi SAC ralkap nih tualchung mi hna cu tlaih in ralphaw ca ah an hman hna tiah theih a si.
Khit Thit Media

Be the first to comment

Leave a Reply

Your email address will not be published.


*