NUG profile he Zaw Min Aung timi pa hi ramdang ah a kal titin thawngpang nan theihmi hi a dik lo. Ramdang ah a kal nemmam lo. Kan hnu lei te ah khan ralkap chungah a lut mi a si.
Amah hi Kalay wah mi a siin Kalaymyo ah a ummi a si. Amah nih cun ramdang zung pakhat ah rian ka tuan tiah lih in a chim caah kalaymyo PDF le mipi pawl ralring tein rak um cio uh!
Kan hnu zarh te ah khan meithal kuanfang nih a khenh caah ai thlop cuahmah ti zongah theih a si. Amah hi kum 25 a si i kalaymyo Ahmouhtet (အမြှောက်တပ်) ah a ummi a si. A tung san lei hi pe 6 le lehmah 4 a si. A upa hi kalaymyo Dalaan a si ve i yawsuh ( ယောစု) khua ah a ummi tiah theih a si. Amin ah Pyi Phyo Aung (ပည့်ဖြိုးအောင်) a si.The Chin Daily News
Relchap:Ruah tam ruang vawlei a cimh caah Makayan(မဂါယာန္) ralzam minung pakhat vawlei nih a cimhhnawh caah a nunnak a liam,ralzaam hartong mi tampi hmundang ah an i thial
Ruah cat lo in a sur caah tlang vawlei a cim,KIO hmunhma Makayan( မဂါယာန္) ralzaam sakhan ummi (kum-38)nu pakhat cu nihin zing lei ah a nunnak a liam tiah theih a si.
“Kanmah ralzaam umnak sakhan cu a kuarhnak hna ah sak mi a si caah vawlei cimh a fawi,vawlei zong a nem,ancung in vawlei a rak cimh caah vawlei nih a nenh” tiah cuka ralzaam hartong mi hna sakhan in minung pakhat nih a chim.Tilianh min cimhnak a um caah ralzaam umnak inn 10 leng zong a rawk tiah theih a si.
Ralzaam hna an i dornak hmun ah ti nih a phak khawh nak ding inn hna cu, a humhim deuh nak ding hmun ah thil an si tiah theih a si.
Laiza pawng Jeyan(ေဂ်ယန္)ralzaam umnak sakhan lei zong ah, ti nih a luh hnawh hna caah hmundang ah an i thial tiah theih a si.TCP
Leave a Reply