Ralrin Cio Nakah: Kum 5 Hngakchia Pa Pakhat Thil Suknak Seh (Washing Machine) Chung Ah Ai-Taap

Thailand ram, Nakhon Ratchasima peng ram kulh, Non Sung peng kulh chung i Makha timi khua pakhat ah hringtu nu pakhat Ms. Wanwipa (kum 29) cu August 22 ah khan an inn chung ah thil suknak seh (Washing Machine) in thil a uk cuahmah lio ah kum 5 lawng a si rih mi a fapa cu thil suknak seh pawng ah cun lente ai celh ve lengmang.

Cun hingtu nu Ms. Wanwipa cu thilsuk nak seh he hmun hla deuh i a um lio caan te ah a fapa a ai-hram len mi le a ttah len ko mi cu a theih tikah a lau ngai in a hun chuah hnawh tikah cun a fapa cu thil suknak seh chung ah cun a rak taap ko mi cu a hmuh hi a si.

Hringtu nu Ms. Wanwipa nih cun a fapa cu chuah ding in suimilam 2 chung bak ai zuam len ve ko nain a chuah khawh ti lo caah police sinah thawngthanh nak a tuah i cu hnu ah an chuah khawh hi a si.

Police pawl le mi bawmchan tupawl (rescuers) nih cun thil suknak seh cu thir ciknak seh in an cik hnu ah kum 5 hngakchia pa cu an chuah khawh hi a si. Zeitin dah thil suknak seh chung ah hin na tlak ning a si ti an hun hal tikah “kanu nih thil chiah nak ah a hman mi kengpi chung ah ka lut.

Cu hnu ah kengpi cu thilsuk nak seh cung ah ka chiah i a chung ah ka thu lai tiah ka ti nakah a seh chung ah ka tla ko. Ka lau tuk ve caah hmeh ding a um mi poh ka meh hna i faktuk in a ka vingh caah ka lung zong a mit dih” tiah a chim hi a si.

Soure: Kalaymyo Mobile အာမခံ ဖုန်းရောင်းဝယ်ရေး Kalay

 90 total views,  1 views today

This function has been disabled for Chin 11 News.