Ralkap Uknak Duh lo Ruangah NLD Vote Ka Pek Asinain

OPINION: Ral kap Uk nak duh lo ruang ah 2015 loi ah NLD mee ka pek nain:-

“Ral kap Uk nak duh lo ruang ah 2015 loi ah NLD mee ka pek nain, Chin ram caah cun zei hman a tha hnem nak ka hmu rih lo” tiah Laimi Group pakhat i ca an ttial mi hi ruahawk ngaingai mi asi. Chin Ram caah cun Chin Party hi kan herh bik ko, Kan mah Chin Miphun hna nih kan Ram kan dawt lo i kan Ram caah kan dir ve lo ahcun ho Miphun nih dah kan Ram hi Lungthin dihlak in a kan dawt piak hnga i kan hmai ah a kan dir piak hnga? Tukum thimnak hi cu Ruat setsai lo in Vote pek caan asi ti lo Vote pe kho mi cu Lungfim viar kan si bantuk in ttha tein ruah chukcho dih hnu ah Vote pe hna usih.

A cung lei Cattial mi kong he pehtlai le Hmanthlak he pehtlai in Comment pakhat a um mi zong hi Ruahphu taktak mi asi ttha tein rak rel ve: “Kanhngak chiat lio i ca kan rak cawn mi ka thei tuk. Zeica ti ahcun putar pa nih arpi a zuat le nikhat ah ati pumkhat pengin ati atit piak le aa bachuak, arpi hi nikhat ah ati pumkhat lawng atit thatning law kamiak deuhlai ati le a vun thah cu achung ah ati pumkhat lawng lawng a um, arpi zong cu asung thai. Cu ban tuk bak cu kan si Lai mi hi, atu I facang tuh i, atu i zun colh duh cu asi kho lo ee”

Ca Laknak: GRCM