Ralkap Uknak Chia Dirpi In Zung Na Kai Mi Tu Nih Mipi Nunnak A Thah Khawh!

Vuantthan hna, Thih timi hi nunnak le thihnak karlak a dangtu hri a cah kha a si i cu nih cun nun a phih i nun a sivangh ter, ngaihchia lungkuai in a kan umter. Cuti dirhmun a phan kho mi ka si tiah ai theih cuahmah ko mi lamcungah sandahpiah mi mino hna, upa vialte hna nih an thap mi an nunnak khi nang le kei nih zung kai loin kan um i kan lahkhah le kan reng hri te kan chah mi he cun cuaithlai chun awk le cuaithlai ngam awk hmanh a si lo.

Ralkap uknak chia tlung ruangmang seh tiah hehchet tiin nunnak a thap mi lamcung chuak mipi hna nih khin nangmah le keimah hi lahkhah a kan pek mi kan si, cucu nai fian ko a si ahcun zung rak kai hrimhrim ti hlah law. Na lakhah le na reng na thlah mi nih mi nunnak a that lai lo.

Ralkap uknak chia dirpi in zung na kai mi tu nih mipi nunnak a thah khawh, a thah zong a thah cang. Na siarem ko maw ti zong kan hal ti hna la lo, na ningzak in nai phuhrung ve rih lo maw? ti tuin hal kan duh hna. Credit: Salai Van Kung