Ralkap Uknak A Doh Caah A Nu Le A Pa Nih Fa Sinak In An Hlonh Mi Nute

Ralkap nih uknak an lak hnu in Mandalay mino hna nih lamzawhnak he a phunphun an doh i ralhrang uknak kan cohlang lo tiah nichiar in an au hna.

Cu lakah cun Mandalay i a um mi Mah Eih Pyi Sone zong mino a si i, ralkap uknak dohklah dingin nichiar a au ve tiah theih a si. Mah Eih Pyi Sone a hawi le kalkap nih an tlaih hna i an hrem hna, a nu le a pa le nih lamzawhnak ah i tel hlah tiah an thloh len nain uknak tha lo cu nichiar ti awk in a doh ve hna.

Lamzawhnak le ralkap a doh hna caah a nu le a pa nih hitluk lungretheih lio ah nule pa bia na ngai an ti caah an fa sinak in an hloh nak zong ca ah an chuah. A nu le a pa nih fa i an hloh nak ca cu a hmuh nain ralkap cu nihin tiangin a doh peng rih ko hna.

Ralhrang uknak ka doh ruangah ka nu le ka pa le nih an ka hloh, ka cawlcanghnak ah hin ralring te le fimkhur tein ka um ko. ka chung le nih harnak an tong lai ti ka phan caah, ka nu le kapa le nih fa in an ka hloh hi sual ka phaw hna lo an mawh lo tiah a chim. Nihin tiangin tha tein an ka zohkhenhnak cungah ka lawm tuk tiah a chim.nan ka zohkhenhnak kongah ka lawmtuk tiah a chim ta.

Keicu ralhrang uknak doh dingah hmailei ah kar ka hlang peng ko lai tiah a chim. Keimah bantuk in ralkap doh ruangah inn ah a um kho ti lo mi tampi an um ve ko lai tiah a chim. Kanram ralkap uknak hi lungrual tein kan doh a herh tuk lio caan a si tiah a chim.Vapual Net