Ralkap Pawl Nih Thanhnak An Tuahmi Hi Caan Rem Ah Lakin Phomh Mei Ding Ka Ti Ko.

Ralhrang pawl nih May thlachung kah kan ngol tiah an thanhmi hi zumh ding pakhat hmanh a um lo. Kan hnu lei ah kah kan ngol chung tiah thanhnak an tuah. Cu thanhnak an tuah le cangka in Kalay ah zing khuadei hlan ah an kah colh hna. Cu lawng si loin hmun dangdang zongah kahnak a um peng thiamthiam ko.

Cucaah tutan May thla chungah kah ngolnak an thanhmi hi zumh lo in hi caan te ahhin kah deuh ding an si tiah ka ruah. Atu bantuk in thanhnak an tuah ahhin Tlangcung mi pohpoh in caan rem ah lak in kah dih ding an si tiah ka ruah. Ralkap bia hi cu a zumhzumh ding a si ti lo. A tanglei hi ralkap pawl nih thanhnak an tuahmi cu si. Van rel hmanh! zumh ding pakhat hmanh a si lo.

May thla chung kahdohnak kan ngol, tiah ralkap nih an thanh hoi! Tlangcung hriamtlai phu pawl nifatin Jet vanlawng in kah, bomb thlak in a do cuahmah mi ralkap nih May 1 in 31 tiang kahdohnak kan ngol, tiah an thanh. Ralkap lei in ukhruainak le runvennak hnursuan caan dah ti lo ralthawh le kahthahnak May thla chung kan ngol tiah an thanh.

Nationwide Ceasefire Agreement (NCA) minthu Tlangcung hriamtlai hna he remdaihnak thazaang thawnter le NCA minthu rih lo mi hna he tonbiaruahnak kan ngei rih lai, an ti. Kahdohnak kan ngol tiah thlafatin an thanh tawn nain thla khat hmanh dai loin Tlangcung hmunhma pawl ah kahnak an ngol lo. #MCTVC/THT