Ralkap Nih Zeibantuk Timhtuahnak Dah An Hman, Ral Rin Bak Ding!

Ralkap strategy cu kan kah hna lai i tih hna sehlaw sandah piah ngol hna seh timi khi a si. Mah hi Yangon ah an hman i atu hi lamzawh sandah a piah ngammi an um ti lo. Naypyidaw le Yangon cu an control khawh cang tiah an ruah.

Atu zaan Hakha ah ralkap an cawlcang ning zoh tikah Yangon ah an hmanmi strategy kha hman ve an tim cang timi tuak khawh ngai a si. Nunnak a liam lonak hnga, lamzawh tikah palek he hmaiton (confrontation) hrial hrimhrim a herh. Lampi phih khar bak lo ding.

Palek nih an kah hlan ah warning an pek hmasa tawn, warning pek le cangka in hnu kir or mibu i thek khi a sunghnak um bak lo, hmun dang or nidang ah i fonh than khawh a si ko. Ralhrang ralkap kut in Hakha mino nunnak liam hram hlah seh. Credit: Salai Lungthli Tum

Thawngpang Dang: Ralkap thluak nih cun mino pawl an thluak a dawi kho ti lo! Lungrualnak cu teinak hrampi a si kan ti bang tutan ram buainak ah mipi kan lung aa rual tuk mi hmuh tikah teinak cu kanmah ta a si ko. Nihin cun sandahpiahni ni 48 tluk si cang mipi lei hmunkhat ah an dir kho.

Nihin March 24, zong hohmanh leng chuak hlah uh “silent strike ” in kan um dih lai tiah hruaitu nih an thanh hna. Ralkap nih cun nan chuak hrimhrim lai an ti ve. Ralkap cu Loud speaker in khuapi chung poh ah an au. Sinain mipi an chuak naisai lo. Aukhuan le mithah tlerhkhonh kha ralkap an thazaang a si. Sinain an thazaang nih mipi a hip kho ti lo.

Yangon khualai Sule ah heh tiah mipi a tingting nih ralkap uknak lakmi duhlonak an langhter tawnnak hmun Sule le a pawng cu a king taktak. Minung chim lo motor le uico hmanh an um lo. Tiva pi bang mipi khatthup in chunnitlak te “AYi-Daw-Pone Awng Yah Mee” ti an au tawnnak cu a riangvai taktak.Vawlei cung khuapi lak ah a dai bik cu si theo lai. .. Kawlram khuapi dang zong a si dih.

Genz pawl an khuakhan a tha tuk. Ralkap thluak nih cun a dawi cawk ti lo. Sau zong an dawi zuam lai ka zum lo.Nihin chanthar mino an men lo. Meithal an ngeih lo pakhat lawng si. A rauh hlan ah teinak thantar kan vawr lai awngpuai kan khan hna lai. Hohmanh zaangthulh ding si lo. Thachiat ding si lo. Credit: Tluang Ceu Thang