Ralkap Nih Motor Cycle Aa Cit Mi An Kah Kah Thah Ee

Kalay Khuapi Ah Cycle Aa Cit Liomi Pa Pakhat Kahtah A Tong
=====
Vaute[March] 3, zanlei suimilam 5:00 tluk ah Kalay khuapi, Tahan sang ah Cycle aa cit lio mi pa pakhat cu a hnu lei in Cycle pakhat aa cit ve mi minung pahnih nih meithal in an kahthah, tiah theih a si.

Kahthah a tongmi hi kum 25 tluk a si i, a ho ti theih a si rih lo, a kapthat tu hna zong mizei an si theih an si lo. A ruak tu cu Tahan Mizo phu nih an laak, tiah theih a si.
#Lungmili Post
#Zalen

Relchap>>>>>Ralhrang Nih Chaung-U Peng Inn 70 Tluk An Khangh: Khuami Pahnih An Thi
=========
2023|Vaute 4| Sagaing ram then Chuang-U peng Khin-hmun khua cu March 3 zing lei in zan tiang ah ralhrang nih inn 70 tluk an khangh piak hna.

“Zinglei in an khangh i zan tiang pehtlai in a kang peng, mei kangh ning a fah tuk caah mei thah khawh a si lo, inn 70 cu kang ko lai, a kang cuahmah mi inn zong a um.”tiah Khin Mon Revolution nih a chim.

Ranghrang nih inn khangh lawng si lo in meithal le hriamnam ngan zong pehtlai in an kah peng caah kum 12 ngakchia le kum 50 nu pakhat zong an thi. Chaung-U peng khuate cheukhat ah ralhrang hna nih PDF an um ti ah khua lak ah i chok in inn khangh le khuami tlaih khih le hremnak phunphun zong an tuah hna tiah theih a si.
(Ref:TachileikNewsAgency)