Ralhrangbu Nih An Tlaihmu Muslim Khuabawi A Ruak In An Pek Hna Ralhrangbu nih August 29 zanlei ah an tlaih mi Rakhine ramkulh Mawngtaw peng Ushinkyah (ဦးရွည့္က်) Muslim khuabawi U Robi A-Lawng (kum 32) ruak cu tuzing ah ralhrangbu nih Mawngtaw mipi sii inn ah an rak chiah tiah khuabawi hna sin in theih a si.
Khuabawi pa hi Mawngtaw uknak zungah a kal lio ah ralhrangbu nih an tlaih mi a si. Ralhrangbu nih an tlaih mi Kyetyopin (ၾကက္ရိုးပင္) khuabawi le a hawile pa 2 zong atu tiang an thlah rih lo tiah theih a si.
Khuabawipa ruak hi rian ngeitu hna nih an zohfel tikah a taksa ah hliamhma an hmuh pin ah a lungah thau nih a thuam tiah Mawngtaw siizung uk Dr. Tar Nuu Kay Ti San nih Western News ah a chim.
Khuabawipa ruak hi sii inn ah chiah chung a si i,hi kong he pehtlaihin Mawngtaw pengkomh uktu U Nay Oo cu a hmanh lo ruangah pehtlaih khawh a si lo tiah Western News nih a tial.
Ref; WN;TCP
Relchap: Magway ramthen Pauh peng, Dingkun khua pawng ah rallokap mawtaw cu Pauh PDF phu nih bomb in an puah hna i kaphnih i kahnak a chuah caah rallokap lei in minung 100 hrawng an thi.
Nizan August 30 zaanlei ah suimilam cheu hrawng an i kap i Pathein, Mungyua mawtaw lam he meng 10 hrawng a hlat i khuapi tein mei khangh piak a tong mi Kinma khua he a neihnak hmun ah a cang mi a si.
Hi kahdohnak hmun pawng ahcun August 28 ni zong ah an i kap bal cang i rallokap lei in a thi mi hna cu caw leng , Thawlakyi hna in an phorh hna tiah theih a si. # shannews; TCP
Leave a Reply