Ralkap Nih Khuami Pakhat An Thah I A Ruak An Hlonh

Ralkap nih an tlaih mi pakhat an thah i a ruak an hlonh. Rakhine ramkulh ah Kawl ralkap nih an tlaih mi chung in minung pakhat cu an thah i a ruak an hlonh tiah theih a si.

Rakhine ramkulh Minbya myone Seihtarat khuate ah Kawl cozah ralkap hna nih khuami an tlaih hna. Talu timi tiva kam ah an tlaih mi chung in mithi ruak pakhat an hnuh tiah theih a si.

Khuami minung 7 kan tlaih hna tiah Kawl ralkap lei nih an chim nain khuami hna nihcun minung 9 an tlaih hna tiah an chim ve. Cu khua cu Kawl cozah ralkap le AA hriamtlai an i kahnak a si.

Kawl ralkap nih khuami an tlaih mi hna chung ahhin a dang cu palik sakhan ah an kalpi hna i a dang pakhat U Maung Mee Che timi cu Talu tiva kam ah a kut an tan i a hnawng an ah buin a thi ruak an hmuh tiah theih a si.

 

 174 total views,  1 views today

This function has been disabled for Chin 11 News.