Yangon ramthen ah MP a rak i cuh mi U Win Khaine cu nihin ah a ho ti hngalhlo mi nih meithal in an kah i a nunnak a liam. Mah pa hi Kaya khua USDP chairman hlun zong a si i, MP hlun zong a si i, a tuhi Mp a cuh ve mi zong a si. Mah Pa hi khuami harsatnak a kan pek tu a si pinah mipi caah tihnung ngai a si, Nihin ah lakphak dawr hmai ah an kah i, a hmun bak ah a thi colh tiah theih a si.
U Win Khiane cu a luan cia mi 2020 rampi thimnak ah USDP aiawh in Yangon ramthen No. 1 in a cuh lio ah khan ralkap he kan i khat ko tiah a rak au len nain ralkap pawl nih pawl nih uknak an lak hnu cu amah ning te a si tiah an chim.
Relchap: inkin PDF pasaltha, Ko Myo Chit cu nizaan August 4, 2021 ah, Ralkap nih bia an halnak ah an thah beh, a nunnak a liam e tiah theih asi. Ralkap nih biahalnak an ngeih mi Sit-kyaw-zi (စစ်ကြောရေး) ah faktuk in an hrem hnu ah a nunnak nih a tuar ti lo, a thaw a dih hi asi.
“Ko Myo Chit cu, Kalaymyo, Sit-kyaw-zi (စစ်ကြောရေး) ah bia an halnak ah nizaan ah a nunnak a dih cang” tiah thawngthanhnak ah an langhter. July dongh ah khan Minkin PDF minung 57 hna cu, Ralkap minung khuami le Dalaan ruang ah tlaih an rak si, cu ni ahcun zeimawzat an thah hna, cun Ko Myo Chit zong hi tlaih mi ah aa tel ve i, a mah hi Kalaymyo ralkap Sakhan ah an kal pi i bia an halnak ah nizaan ah a thih hi asi.
Minkin PDF an rak tlaih hna ning an langhter mi: July 28 ah Sagaing ramthen Minkin peng Panset Tongphyu lei ah hriamtlaibu pakhat nih chawnhbiaknak ngei dingah hriamnam put lo in kan i tong hna lai tiin an hlen hna i, Mikin PDF 57 an kan tlaih tiin Mikin PDF rianngeitu pakhat nih BBC ah a chim.
July 27 zinglei ah PDF le ralhrangbu hna hmun 2 ah an i kap.Khua pakhat cu Minkin PDF hna nih an kulh dih cang. Khatalei nih hriamnam tel loin i chawn dingin an rak sawm hna.
Mah cu an in zumh sual i, a kal mi hna cu an tlaih dih hna ralhrangbu meithal a tlai mi dalaan pawl nih an tlaih hna.An tlaih dih in Minkin ah a um mi rallokap hna cu an va auh hna i set-lawng in an rak tlaih.An zumh lo caah a kal ve duh lo mi 12 belte cu an luat tiah DVB nih a chim.
Khatalei ah Minkin peng Panset ah Minkin PDF le ralhrangbu kar i kahnak a chuak i, rallokap 1 a thi, 3 hma an pu tiah Minkin PDF hruaitu pakhat nih a chim. An tlaih mi hna kong he pehtlaih i an thawngpang zeihmanh theih khawh a si lo caah an chungle hna an thin a phan ngai.
Leave a Reply