Gangaw-Kalay lampi ah ralhrang motor pathum kah an tong, ralhrang lei minung 2 an thi, minung 3 hrawng nih hliam an tuar. Gangaw-Kalay lampi ah nihin August 10,Chun hnu suimilam 3:30 hrawngah ralhrang motor 3 cu Yaw mipi vengtu ralkap (YDF) nih bomb in an puahhnawh hna tiah theih a si.
Yaw mipi vengtu ralkap hna kut in ralhrang motor kal mi pathum chung in a hnu bik kal mi motor cu an puahhnawh caah motor hmailei thlalang le a kam lei ning in a rawk dih tiah theih a si. Ralhrang phu in minung 2 an thi, hliam a tuar mi hi a tlawmbik minung 3 an si lai tiah YDF nih cathanh an chuah.TCP
Relchap: NUG Nih Tuah Dingmi Aungbali A Zuartu A Cawtu Tlaih Nan Si Lai,Ralhrang NUG nih tuahding mi aungbali a zuar tu,a caw tu hna cu tlaih an si lai tiah ralhrang nih an thanh
NUG nih tuahding mi awngbali thi(ေအာင္ဘာေလထီ)a zuartu le a cawtu hna cu tazacuai in thongthlak an si lai tiah ralhrang nih a luancia mi August 8 ah khan cathanh a chuah.Tangka thap lentecelh nak upadi (pohmah -97)ning in hi cathanh hi langhter a si.
SAC ralhrang hna nih an langhter mi ah NUG, CRPH phu hna cu SAC nih phungninglo phu pakhat ah thanh a si caah phungninglo tangka thap lentecelh thi(ထီ) zuarnak an tuahtimh mi kong ah mah pumpak i tel, tha pek nak tuah le, lam pakhat khat in i tel nak le
tehte he hmuh a si ahcun, cu palh nak hmuhpiak mi cu tangka thap lentecelh nak upadi ning in tazacuai in thongthlak a si lai tiah an langhter.TCP
Leave a Reply