Kan hnu lei ah Hakha in Thantlang leiah Ralkap 100 lengkai an rak phan cang i, a cheu Sopum lei a cheu Khualhringtlang lei ah an i then. Nunau caah cun thinphang ngai a rak si ko. An mawh ve hrim lo. Asinan Miphun vengtu pasaltha hna nih zei teah an rel hna lo. Cu vialte ralkap cu an thawl viar hna.
Cun tutan ah apoi ngaimi cu Kawlralkap hi Matupi lei le Kankaw lei in an rak lut ngam lem ti lo. Atulio lam aa honnak cu Falam lei deuh lawng a si. Cucaah cun tuchun ah ralkap 200 leng motor pariat le a dang motor pahnih in an ratnak lam hi, Vaar lei kap Falam leiin an rak kai tiah Media cheukhat nih an langhter.
Hi ralkap a rakra mi hi, Nunau le tar hna nih an theih ahcun lung anuam lo taktak hoi lai. Asinain Chin Pasaltha hna nih cun zeizat an phan zeizat an rat zongah tihmi an ngei lo. Chin Miphun venhimnak caah timhcia an si cang.
Hi ralkap a hongkaimi pawl nih lampi ah heh tiah meithal an puah tiah an ti. An i cerhro len nain Chin Miphun pasaltha hna nih cun zei teah an rel ti hna lo. An ziazia an theih dih cang hna! Kan Chin pasaltha hna nih rak dawi viar hna seh. Bawipa nih umpi mi Miphun kan si. Caan rau lo ah Falam lei lam zoh phit dih hram hna seh!
Leave a Reply