Ralkap Motor A Rual In A Zulmi Cu Bomb In An Puah Hna i, Minung 80-90 Kar An Hliam Hna

SAC rakap motor 7 PDF nih bomb in an kah i minung 80 tluk an hliamh hna

August 30, Kawlin Peng in Myitkyina lei kalnak Kyundaw khua pawng ah SAC ralkap 7 cu PDF nih an kah i motor 3 a rawk, a thi mi le hliamh mi 80 hrawng an si tiah theih a si.

“Tuzing 10:00 tluk ah a si. Motor 3 a rawk. A thi mi he aa hliam mi he motor cung ah an khin hna i a thi mi zong an tam ko lai. An dihlak minung 80 hrawng an si. Hihi PDF-Kawlin nih an kah mi hna a si,” tiah khuami pakhat nih a chim.

Hi kahdohnak ah PDF-Kawlin lei in minung 3 an i hliam ve. Anmah SAC ralkap lei hi a thi mi an tam ko lai tiah khuami pakhat nih cun a chim.

Kawlin Peng Kyundaw kiang ahcun dohnak le puahkehnak a um hnu tlawmpal ah SAC ralkap 200 renglo nih umhmunkhuar in an umhnawh lio a si tiah Ayeyarwaddy Times nih a langhter.THT

Relchap:SAC ralkap nih thah, tlaih le hrem ruang ah Tantse Peng in khuami 5000 tluk an zaam

August 30, Sagaing Ramthen Tantse (Tangse) Peng Kapaungkya le Leikchan khuate hna in khuami 5000 hrawng cu SAC ralkap nih tlaihkhih le hrem ruang ah an zaam.

Khuami minung 7 an thah cang hna i khoika ah an um theih khawh ti lo mi zong an um hna. Cu ruang ah an zaam i tirawl eidin ding kong tiang in bawmhchanh hau an si, tiah KTM nih a tial.THT