Ralkap Motor 2 Bomb In An Puah Hnawh Hna I Ralhrang 20 Leng An Thi

Sagaing Ramthen Zinmarpin Peng August 12 ah Pale lei in a ra mi SAC ralkap motor 2 cu Zinmarpin PDF nih bomb in an rak doh hna i SAC ralkap 20 renglo an thi, an motor pahnih ning in a kaang, tiah Khitthitmedia nih a tial.THT

Relchap: Thai Ram Ah Online In Hriamzuar Mi Meithal (3500) le Kuan Nuaikhat An Tlai; Thai ram Khokan le Chinyian ah Online in hriamzuar mi minung pathum le meithal 3500 le kuan nuai khat hrawngah he August 11 ah tlaih an si tiah theih a si.

Hriamzuar tu hi kum 38 mi pa pakhat cu Khokan ah tlaih a si i,pakhat kum 43 hrawng mi pa pahnih hi Chinyian ah tlaih an si. Khokan ah tlaihmi pa pakhat i a inn ah Refill 1414 le,Pistol 122 le kuan 920,000 an tlaih i,Chinyian i an tlaihmi hna sin in Refill 1786 le,Pistol 224 le kuan 57500 an tlaih tiah theih a si.

Indonesia, Shweden,American,Turkey, France,China ram ah hriamnam hi kuat ding asi tiah theih a si. Hriam cawknak Website chungah fakthanh an tuah i a caw duh tu hna nih Line i chungah lut in tangka in zuar le cawk mi a si.

Hi hriamzuar hi kum nga chung an tiah cang i ram kip in a cawduh tu thong sawmnga hrawng an si,nikhat ah hriam a thong leng an zuar tiah theih a si.