Ralkap Misual Nih Upadi A Herh Lo Taktak Mi An Nunter Than!

NLD cozah nih an hrawh cangmi khuatlung mileng cazin peknak upadi cu ralkap tapung nih a thar in tuzan ah an nunter than. Khualtlung, mileng cazin pe lomi poah cu phaisa thonghra siloah thong ni 7 tiang tlak khawh a si lai ti a si. Vawleicung cozah vialte lak ah a chia bikmi ralkap tapung cozah ngeih than cu lung a fak tuk.

CDM hi ngol ding hrimhrim a si lo, a dihdongh tiang, teinak hmuh hlan tiang cawl lawlaw a herh. Kan lung dongh sual i kan ngol sual ahcun mah nak in a chiakha deuhmi phung upadi an ser rih lai. Atu nak faak in tuar a si rih lai caah a dihdongh tiang pah chih lawlaw a hau. Tutan i teinak nan hmuh ahcun a zungzal ca a si cang lai. Credit: Salai Lairamthang

Relchih dingmi: President hlun Donald Trump Nih Teinak A Co Than : President Donald Trump cu Democrats nih voi hnih tiang house ah impeachment an tuah i senate ah voi hnih tiang taza an cuai nain avoi hnih ning tein a tei hna. Democrats pawl cu avoi hnih ning tein an sung. Thil dik nih a donghnak ahcun teinak a hmuh peng ko. Lih le hrokhrawlnak hi zungzal a hmun lo. Huatnak nih teinak tatkak a chuahpi bal lo.

Senator minung 100 nih asual le sual lo vote an thlak i, Vote 57-43 in President Donald Trump nih a tei hna. President Donald Trump sualphawtnak caah vote 67 a haumi chungah vote 57 lawng an ngah. Voi hnih tazacuai i vawihnih ning tein teinak a cotu President a si. US tuanbia ah tuanbia thar a tial. Democrats nih an ttih tuk caah an huat, an huat tuk caah kum 4 chung a sual an kawl nain a sualnak an hmu kho lo.

Democrats nih an ruahchan mi vialte cu minmei bantuk in an tian dih cang. President hlun hna nih an ngahmi benefit viale zong a ngah dih lai, 2024 thimnak zongah a lut kho than lai. Kum khat ah $221,400 an pek lai. Thla 6 chung a zung riantuan vilate thlahlawh an pek piak rih lai. Kum khat chungah a khual tlawnnak le staff caah million pakhat tiang a claim khawh lai. A nupi Malenia nih kum khat ah a khualtlawnnak le security caah$500000 lengmang hmannak nawl a ngei lai. Health Insurance pek an si rih lai. A thih tiang in security laak piaktu a ngei lai i, a thihnak ah a dihmi phaisa vialte zong cozah nih tuanvo an laak dih lai. Republican senator minung 6 nih democrats lei ah vote an thlak. Tutan ah Judah Isakhariat a tuanmi Republican party in senator minung 6 hna cu:

Sens. Richard Burr of North Carolina, Bill Cassidy of Louisiana, Susan Collins of Maine, Lisa Murkowski of Alaska, Mitt Romney of Utah, Ben Sasse of Nebraska and Pat Toomey of Pennsylvania.