Khah! Kawl ralhrang uico pawl umkal nak hi mipi hmuh ding le mipi ralrin khawh nak ding ah rak phozar piak cio hna uh an ti. Hakha leiin an rak ra ti a si ko hih cun Sopum in Lungler panh ding in an I thawh ti a si. Uico rual Kawl ralhrang pawl cu Hakha leiin an rak ra I Thantlang ah, cun Sopum leiah an hei kal than I tuhi Lungler lei panh in an I thawh ti asi.
CCN nih a rak tial ning tein Kawl ralhrang umkal nak cu hi ti hin a si “Hakha lei in Thantlang ah ralhrang hna cu a tu hi An kal i Sopum khua lei lam in Lungler khua panh ding in Uico pawl an i thawh. Rak phomh te hna uh. Athli deuh in”.
Relchap: Loikaw , 54 ralhrang phu pawng ah Nizan kahdohnak ah mipi pakhat nunnak liam i a tlawm bik minung 3 an i hliam, inn cheukhat a rawk
Kayah ramkulh (Karenni ramkulh) ,Loikaw 54 ralhrang um nak pawng ah nizan suimilam 7:30 hrawng ah a thok i hriamngan he hriam hme thawng kan theih i ralhrang lei in mawtaw a rak phan i an ruahdamh in an kah i mipi minung 1 a thi i minung 3 nak tlawnlo an i hliam, inn cheukhat a rawk tiah khuami hna sinin theih a si.
Acre 500 a si mi veng ah a um mi kum 42 a si mi pa pakhat cu a phei ah kuan nih a kenh i tuzing ah Volunteer phu hna nih sii-inn ah an kal pi tiah kan theih .Nu pakhat cu a thih nak kong hi fiang tein kan thei rih lo .
Tu tiang ahcun ralhrang he a kap mi hriamtlai phu hi zei an si ka fian rih lo leng ah mipi veng tu ralkap zong nih thawngthanhnak a um rih ko.
Tuzing zinglei ah Loikaw ah ralhrang hna an cawlcangh ning cu kan hmuh i Demohsu um mi 102 Battalion hna nih Phru So lei ah zing Suimilam 7:20 hrawng thok in hramngan in an kah hna nak kong khuami hna thawngthanh nak ah an langhter.#Khit Thit Media;TCP
Leave a Reply