Ralkap Le Palik Nih Chin Miphun An Kan Ral Deuhdeuh Cang Lai! Dr. Sasa Ruangah

Kawl Ralkap Chiatnak Kong Vawlei Theih In A Au Pitu Hi Dr. Sasa A Si Caah Ralkap Nih Chin Miphun An Ka Ral Deuh Lai! Ralkap le palik nih Chin mi an kan ral deuh lai hih i ralring u! Kawlram pi hrimh thannak caah Dr SaSa a cawlcang thluahmah. Ralkap dantatnak a ngan deuhdeuh. An sunghnak lam a kau chin. Ramkip media nih Dr SaSa bia an hal. Vawleicung ram uk hna he bia an i ruah.

UN inn ka hrenh zong in atu le atu Kawlram ralkap sualnak le mipi temhtuarnak report a pek peng. Nifatin mipi lei lut mi email a rel. Vawleicung khungzung tiangah ralkap taza a cuai cang hna. A rau lai lo teinak kan hmuh lai. Easter nih Judah miphun thihnak in a luatter hna bantuk in Dr SaSa thawng in Kawlram pi ralkap kut in kan luat lai. Atu tiang ah a bia a man. .a chimmi poh UN le Vawlei cung ram uk hna nih Amen an pek.

Mah belte mipi lei kan rian pakhat cu Dr SaSa cu Chin a si caah ralkap le palik nih Chinram le Chin mipi an kan ral hrimhrim lai caah ralring tein kan um a herh .Dr SaSa thil tuahmi an theih dih ve. Tih ding cu an si lo nain ralrin cu kanmah rian a si ve. Nizan le nihin nihin le thaizing zong aa khat lai lo. Kuan taktak zong in an kan khawh men. Thihnak si lo. Ralrin nak ah. Crd: TCT