Ralkap fialmi Khuabawi Mipi Ralkap Nih Meithal In An kah Tha

SAC ralhrang khuabawi pakhat meithal in an kah thah
——–
Ayeyarwaddy ramtthen ah SAC ralhrang kuttang ah khuabawi a ttuan mi pa pakhat cu meithal in an kah thah tiah khuami hna nih an chim.

Tuchun Zing 14 ni ah Ye Gyi khuapi peng Za Rat Hla khua uktu bawi pakhat cu motorcycle he khual a tlawn lampi ah meithal in an rak kah caah a nunnak a liam tiah a ruak a hmutu pakhat nih achim.
#suimilammedia

Relchap>>>>ULA/AA nih a biapi tuk mi cathanh a chuak
———
Rakhine ram ah SAC ralhrang nih Vanlawng in siseh, Tilawng in siseh, Mawtaw zong in siseh hriamnam thazaang a chap cuahmah caah AA dirhmun in Tilawng le Mawtaw hna cu a herh ning poh in kan check lai caah a ruahzia nan thiam khawh nak lai kan in theihter hna tiah an cathanh mi ah an langhter.
#suimilammedia


Theihtlei relchap>>>>>>Fahnak Hi Kanmah Lungput Lila In A Chuak
========================
🔸A caan ah cun kan duhlomi fahnak hna hi kanmah lila nih kan kawh i, kan duhning in thil a can lo tikah cucu fahnak ah kan ser tawn.

🔸Kan huatmi hna cawisan an ton tikah cohlan duh loin, kanmah lila tu nih an cungah tang thlaknak lungput kan ngeih caah cu nih cun fahnak a chuahter tawn.
🔸Kan rem lomi hna nih an tuahmi thilkip ngiatthlai in, cuai thlainak kan tuah tawn hna i cu nih cun kan mah lila fahnak a kan pek ṭhan tawn.

🔸Kan dohmi hna thiamcoter an si tikah, cu nih cun cheukhat nun ah fahnak a chuahter ṭhan tawn.
🔸Pumpak pehtlaihnak a ṭhatlo ruang i midang nih lawmhnak/ hlawhtlinnak/ conglawmhnak a phunphun an comi cungah lawmhpi loin, nahchuahnak lungput kan ngeih caah cu nih cun fahnak a chuahter ve tawn.

🔸Cu ve bantukin cheukhat cu midang nih sungzatlaknak a tonmi ruangah i lawm ngai in an um i, amah diriamhnak ah a hman tawn nain cucu lawmhnak taktak a si hlei lo.
🔸Fahnak a chuahtertu hi midang ruang thengah si loin kanmah kan lungput zongin aa thawk khomi a si i, cubantuk fahnak tuar kan duh lo a si ahcun midang cungah lungput ṭha kan ngeih a herh.

🔸Midang nih ṭhatnak an ton caan ah lawmhpi in, harnak le ngeihchiatnak an ton caan ah lungtak tein a tuarpi khotu na si ahcun, midang nih a tonmi thil ruangah lungfahnak tibantuk cu a chuahter lai lo.

🔸Cu caah nangmah le nangmah aa dawmi na si ah cun, midang ruang ah lungfah le i lawmh silo in, nangmah nih na tuahmi thil ruang tu ah aa lawmkho mi si tu i zuam. Midang ngaihthiamnak nih lawmhnak diktak a chuahter.
By.Anna Par(Journalist of The Chin Post)

Be the first to comment

Leave a Reply

Your email address will not be published.


*