Ralkap Bu-Lawng Sianginn Ah A Um Mi Hna Minung 1300 Nih Covid-19 An Positive Hna

Tulio pulrai zawtnak a si mi Coronavirus nih a den cuahmah ve mi hna Indonesia ram cu an ramchung ralkap pawl Training an pek nak hna (bu-lawng)camp pakhat ah a um mi ralkap minung 1300 nih Covid-19 zawtnak an ngeih cang hna caah hruaitu le an siibawi te pawl lungrethei in an um ko hna.

Java nitlak lei ah a um mi Indonesia military academy chung ah hin minung 30 hi cu an zualhma ngai hna caah siizung ah lungrethei in zohkhanh lio zong an si hna tiah ralkap bawi Andika Perkasa nih cun a chim. Covi-19 positive a si mi hna chung in minung 991 hi cu ralkap training a kai cuahmah mi an si hna i a dang hi training a petu hna le an chungkhar deuh an si hna tiah an langhter.

Minung tampi zong an test cuahmah hna lio a si ko nain an result a chuak rih hna lo, cun minung 17 hi an zawtnak dang an ngeih caah hmundang te ah an chiah rih mi hna zong an um rih. Zawtnak an hmuh hmasat bik ning cu hi ti hin a si ve ralkap pawl cu training nak hmun ah an dir hna i cu lio ah cun minung pahnih hi ni linh tuk ruang ah an dirnak hmun bak ah cun an tlu hna.

Cun siibawi te sinah an tlikpi hna i an chek tik hna ah cun Covid-19 positve an rak si cang, cu hnu cun ralkap dang zong thinphang in an um caah an test dih hna i minung 1300 hi an rak positve dih cang hna hi asi. Asinain a voikhat nak an hmuh mi hna minung pahnih kha zeitin dah an poisitve ning a si ti cu an dothlat kho rih lo.

VOA

 130 total views,  1 views today

This function has been disabled for Chin 11 News.