Ralhrang Vanlawng 4 Rawk Dih Cikcek In an Kah Piak Hna

Kan hnu lei a luancia mi August 8 lio iMagwa ramthen , Magwa khua ralhrang pawl vanlawng chiahnak bomb i an puah hnawh lio ah khan vanlawng 6 a rawk . Mah 6 a rwl mi chngah hin 4 hi cu hman awk a tha lo ding a si cang. 2 tihi cu remh awk a tha hmanh maw tiah khuami pakhat nih RFA ah a chim.

Ralhrang van lawng hi Magwa sakhaan lampi cungah a luanciami August 8 zing suimilam 4:00 hrawng vanlawng an chiahnak chung meithal an chiahnak pawngkam ah bomb voihnih a puak .

Magwa ah ralhrang vanglawng bomb an puah mi kong he pehtlaiin 8888 uprising kum 33 ni philhlonak ah kan mah nih kan puah hnawh mi a si tiah, Magwa ramthen chung a cawlcangmi ralhrang dotu hna nih an chim.Waitanu mipi vengtu ralkap hna nih mah hi thawng hi an thanh.

Mah Magwa ah vanlawng bomb an puah hnawh hnu in ralhrang pawl cu Magwa ah an cian taktak tiah theih a si.Khuachungah tlaihkhih a tam ngaingai,mah kong ah hin ralhrang bu thawngthanhnak MWD nih cun Ralhrang bawiMaung Maung Kyaw nih Magwa khuachung ralhrang pawl um kalnak in ralhrang pawl an nupi le sin ah thazaang peknak bia a chim colh.

Raltuknak vanlawng a rawk mi kong he pehtlai in anmah ralhrang lei nih cun zeibantuk thawngthanhnak hmanh an tuah lo. Zaw Min Htun ph an call len nain phone a tlai duh lo.