Ralhrang tamnak bik hmunpi Nayapyidaw cu PDF ralkap pawl nih an kah. Mah kahdohnak ah ralhrang minung 11 kan thanh hna tiah PDF nih thawng an thanh.
August 30 i an i kahnak pawl cu nihin September 2 ah Naypyi zong nih an van hngalh. August 30 zanlei suimilam 4:oo hrawngah Pinmana myone Seik pho tlang le Letphat taung khua karlak ah ralkap motor cu PDF Naypyidaw nih an kah hna. Zaan suimilam 7 hrawngah ralkapo dang an ra rih i an i kap hna.voi hnih bak kahnak a chuak i ralhrang minung 11 an thi tiah theih a si.
PDF nihcun ralhrang hi kan thuat thluahmah hna lai caah palek le ralkap pawl CDM tuah uh tiah an fial hna. a tutan ah kahnak kongah PDF cu a bawh tu an si caaah minung pakhat hmanh thi le hliam an um hna lo i an umnak hmun zong tlamtling tein an chuahtak khawh tiah an tar chih.Vapual net
Relchap: Nizan September 1 ah Mon ramkulh Pawng peng Te-ein khua ah meh kawlnak in a rak tlung mi nupa hna cu ralhrangbu nih an kah hna ruangah nau a pawi lio mi a nupi cu a nunnak a liam pin ah a va pa zong hliam a tuar tiah khuami sinin theih a si.
A nunnak a liam mi nu hi kum 27 mi, Ih Thwe Moe hi thla 5 mi nau a pawi lio mi a si i, a va pa hi U Dei@Min Nay Lwin (kum 29) a si i, a mit le a ke ah hliam a tuar i, Pawng sii inn chiah a si.
Hi nuva hna hi an meh kawlnak in September 1 zaan suimilam 10 hrawngah an rak tlung i an inn pawng an phak ah ralhrangbu hna cu datmei in an ceuh sual hna ruangah an kah mi hna a si tiah khuami pakhat nih a chim.
Hi kong he pehtlaihin khuami pakhat nih; Kataik khuakonh chungah ralhrangbu nih zaan petroling an vah lio ah an kah mi a si. Meithal zun 10 hrawng in an kah hnuah an kaltak ko. Zeihmanh ah an rel lo. Fanu kum 4 pakhat an ngei tiah a chim.
Ref; Myanmar NowTCP
Leave a Reply