Ralhrang Ttih Ah Inn Dot Sang Cungin Mino 5 An Zuang, A Hmun Ah An Thi Colh

Tuni Yangon khua chung ah SAC uico phu pawl nih hramhram in tlaihkhihnak an tuah caah mino minung panga hn cu inn dot sang cung in an tla i an nunnak a liam.Cun minung pahnih SAC uico pawl nih an tlaih hna i an tuk velh hna.

SAC uico pawl nih hramhram in mipi tlaihkhihnak an tuah nak hmun hi Yangon Botataung lam 44 i a um mi Teihkhan pakhat ah an luh hnawh hna. Cuka ahcun mino panga cu inn cung in an tlak caah an thi.

Mino pahnih an tlaih hna tiah cuka Botataung um pakhat nih a chim.”SAC uico pawl nih hramhram in teihkhan chung an luh hnawh hna tik ah mino um mi hna cu an zam nak ah inn cung in an tlak hi a si. A hmun ah an thi colh” tiah mithmutu nihcun a chim.Mino pahnih an tlaih mi hna hi an tuk velhnak ah an lu zong a kuai bu in an kalpi hna tiah a chim chap. Teih inn cung in a tla mi minung panga lak ah pakhat cu Nu a si.KTM

Relchap: Kalaymyo Thoh-Cianh khua ah minung 2 ralhrang nih an tlaih hna Sagaing ramthen,Kalay peng Thoh-Cianh khua nupa pahnih hna cu ralhrang nih, nihin August 10 chunhnu suimilam 2:00 pm hrawng ah an tlaih hna,tiah khuami hna nih an chim.

Thoh-Cianh khua chung ah hriamnam kan rak kawl tiin Mg Phyo min hal in an kawl, an hmuh lo caah a nupi nu le pa cu an tlaih hna i an kalpi hna tiah chungkhar he a neih mi khuami pakhat sin in theih a si.

Kan khua chungah ralhrang mawtaw 3 le palek mawtaw 1 an rak lut.An rak kawl mi hi a min ning in an rak kawl i amah inn ah hin hriamnam a um.Mg Phyo a um maw tiin an rak kawl.An kawl mi pa a um lo caah Mg Phyo a nupi nu le pa cu an tlaih hna.

Kalaymyo peng Thoh-Cianh khua Mg Phyo arak kawl mi ralhrang hi minung 30 hrawng an si i, Inn- tawng -suh cazin tiang an zoh tiah theih a si.Kalaymyo peng chung ah tulio ralhrang thazaang 200 hrawng an chiah chap tiah Kalaymyo peng mipi vengtu phu hna sin in theih asi.#DVBnews