USDP party chungtel pawl nih aruang um loin mi inn pakhat an luh, thilri hrawh
Sagaing Ramthen Pale Peng Tane khua inn pakhat cu Tane khuami lila USDP party chungtel hna nih August 25 zaan 10:00 PM hrawng ah an luhhnawh i thilri an hrawhpiak tiah, inn hrawhpiak mi pa sin in theih a si.
“Zaan 10:00 hrawng ah minung 30 hrawng an ra. Inn hmai mei pawl an hmih dih i lung in an kan cheh. Kei ka zaam manh. Innchung ah thilri, TV tibantuk thilri an hrawh dih. August thla thokka hrawng ah khan aho si hngalh lo mi phu nih SAC phu nih riankhinh mi khuabawi thah an rak timh nain an rak that kho lo. Cu he pehtlai in USDP party chungtel pawl nih ruahpalh in ka inn an hung hrawh hi a si lai,” tiah inn ngeitu pa nih a chim.
Hi Tane khua ah hin inn 700 renglo an um i USDP party le NLD party tiin an um hna, tiah Mizzima nih a tial.THT
Relchap: Ayardaw peng chung khua pakhat ah ralhrang mawtaw bomb puah a tong Sagaing ramthen, Ayardaw peng Cuaipagan (ေႂကြပုဂံ)khua ah a lut mi ralhrang phu hna motor cu bomb puah a tong tiah theih a si.
Nizaan August 25,zinglei ah Cuaipagan (ေႂကြပုဂံ) khua ah a kal mi ralhrang phu minung 100 hrawng nih ralhrang motor 7 he an luh hnu, chunhnu a kir lei ah Zayit(ဇရစ္) le Dungdit(ဒုံဒစ္) khua kar ah bomb puah in kah a tong tiah khuami hna nih an chim.
Khuami pakhat nih” kan khua ah hriam um ti in ralhrang hna cu an rak lut, innkhat hnu innkhat in an lut, checkhlatmak an tuah, inn chung thilri an leh dih, an hmuh mi poh an hrawh dih, kan khua in an chuah ah bomb in an den hna tiah theih a si.
Ralhrang phu hna nih hramhram in mi an tuah, kan mah lothlo nih hin zeihmanh kan tuah thiam mi a um lo, kan khua zong ah zei hriam hmanh a um lo” tiah a chim.
Cuaipagan (ေႂကြပုဂံ) khuachung ah August 25, ni zinglei suimilam 3:00 in checkhlatnak an tuah leng ah khuami minung 10 leng tlaihkhih an tong tiah theih a si.
Ralhrang phu hna nih khuachung ah checkhlatnak an tuah caah khuami hna cu a himnak hmun ah an zaam, atu tiang ah khuachung ah an lut kho rih lo .The Irrawaddy; TCP
Leave a Reply