Ralhrang Tapeh Pyusawthi An Bawi Le A Hawi Le Minung 4 An Thah Hna

Launglon Ah Pyusawhti Hruaitu Telh In Pyusawhti 4 Fimhlawm An Tong
Taningtharyi ramáš­hen Launhlon peng Kyawnimaw khua kalnak lam ah pyusawhti hruaitu nu le pyusawhti phu chungtel 3 hna cu November 23 ah kan fimhlawm hna tiah Launglon tualchung hriamtlai pah-kah-phah LLPDF in tuanvo ngeitu nih a chim.

Pyusawhti hruaitu Daw Win Khine Kyaw cu ti lei ralbawi pakhat i a nu a si i, mipi hramhram in a thattu pakhat a si tiah LLPDF in tuanvo ngeitu nih cun a chim.
Pyusawhti phu hna cu tilawng cung ah fimhlawm an si hnu ah palik phu hna nih mipi sin ah an firmi thilri zong kan chuh khawh hna tiah LLPDF nih cun theihternak an tuah tiah theih a si.

An sin in lakmi thilri hna cu sui thi 2, platinum thi 3, kutdong hrolh 8, hnatonh 2, ban hrolh 2, phaisa 3,138,000mmk, walkie talkie 1, nam a saumi le a tawimi he tiin 3, phaisa bawm 1, phone card 5, memory card 2, phone tunnak hri 2 le khual cazin min lakmi catlap 2 kan lak tiah Lawnglung PDF nih cathanh an chuah.
Source:People’s Spring

Relchap>>>>>Chinram lawng si loin kawlram huap in ral a tu mi SAC ralhrang pawl hi hi zaangfak taktak an si ko. Ral an tuknak ah an tap tiah an chim hihi a dik mi si ko tiah CDF chungtel pakhat nih a chim. An i kahnak hmun pawl cu ka chim lai lo. Ralhrang 27 hrawng hawng CDF le CNA nih an kulh cang hna i an kah an timh hna ah hin Ralhrang pawl cu an ttap tuk i zaangfak taktak khi an si tiah a chim.

Kan kulhhna i an ttah tuk khan Cunglei ph an chawnh hna i vanlawng in nan kan bawmh lo a si ahcun Chin eralkap nih an kan thah dih cang lai tiah thawng an thanh hna i kan in bawm kho hna lai lo an ti i an ttap tuk tiah an chim. Thih kha an rak ttih tuk i Chin ralkap kut in thih cu an duh bak lo.

Timit ralhrang nihcun Vanlawng in nan kan bawmh lo a si ahcun kan kap ngam hna lai lo i, Chinralkap bu sinah kan i ap dih lai tiah an hei chawnh hna i cu hnu ceo cun cung lei in an bawmh hna i kan nih lei kha vanlawng a rak kai in kan i thek i an him. Ralkap hi zaang an fak takak i an ttap lengmang ko tiah an chim. Kan hnu lei Sagaing ramthen kahdohnak zongah PDF nih an kulh hna i an ttap tuk tiah PDF sinin theih a si. ral an tuk hi an ttihtuk buin an tuk mi a rak si.By.. Pa Hlun Mh

Be the first to comment

Leave a Reply

Your email address will not be published.


*