Ralhrang Rual Thilcawk Kal Mi Dronr In An Phomh Hna Tampi An Thi Pinah Hliamtuar An Tam

Ralhrang Rual Thilcawk Kal Mi Dronr In An Phomh Hna Tampi An Thi Pinah Hliamtuar An Tam

Magway ramṭhen, Myaing peng Kanni khua in Myaing lei ah thilcawk ding in a kalmi SAC ralkap cu drone in bomb thlakhnawh an ton caah 7 an thi i, 14 hliamhma an pu, tiah Myaing peng Pah Kah Phah in ṭuanvo ngeitu pakhat nih a chim.

March ni 4 ah Kanni in Myaing lei ah thilcawk ding in a kalmi SAC ralkap le pyusawhti cu, Kanni le Myaing kar ah PDF nih bomb in an puahhnawh hna pinah drone in bomb an thlakhnawh hna caah 7 an thi. Ralkap le pyusawhti cu Kanni khua ah kir ti loin Myaing lei ah an lan, tiah theih a si.

Cu pin ah March ni 5 zing suimilam 8:00AM hrawng ah Nyaungpin khua chaklei ah PDF nih an hmanhmi 40mm bomb(tank bomb) cu an kah i, a puah lo caah an va naih i cu lioah PDF nih an puahhnawh hna caah SAC ralkap 9 hliamhma an pu, tiah theih a si.

Chun suimilam 12:25PM hrawng ah Paukpin khua chaklei ah rallam a sialmi SAC ralkap cu bomb lung 9 in puahhnawh an ton caah 7 hliamhma an pu i, Myaing sii-inn ah an kalpi hna. Zanlei sml 2:29 hrawng ah Kyawngkone le Tanpaya dum kar ah drone in kahdoh an tong ṭhan i SAC ralkap 5 hliamhma an pu, tiah theih a si.

Cu kahdohnak ah hliamhma a pumi chung in SAC ralkap Saya Soe, Win Min, Myo Min Aung, Maung Oo le Soe Min Htun hna an thi i, pyusawhti in Aung Myo Oo le Hnin Shwe an thih pin ah 14 hliamhma fak ngai an pu, tiah Myaing Pah Kah Phah in ṭuanvo ngeitu nih a chim.
Crd.. TCP